كار اوكړي او كه بد اوكړي، د ده هر يو د وړوکي نه وړوكے عمل هُم محفوظه ساتلے كيږي، په ورځ د قيامت به دا د الله پاك په بارګاه كښې حاضريږي او دا به د خپل هر هر عمل جواب وركوي. غرض دا چې انسان په دُنيا كښې د ځناورو په شان نه دے بلكه دا د خپل ژوند د يو يو ساعت پخپله ذِمه وار دے، ده له پكار دي چې خپل يو يو ساعت په پوره سوچ، عقلمندئ او پوره ذِمه وارئ سره تيروي. راځئ چې! د سُوْرَۀ زِلْزَال وضاحت واورو:

د سُوْرَۀ زِلْزَال د وړومبي آيت وضاحت

    الله پاك ارشاد فرمائي:

اِذَا زُلْزِلَتِ الْاَرْضُ زِلْزَالَهَاۙ(۱)  (پارہ:30، سورۂ زلزال، آیت:1)                     

 [مَفهُوم] ترجمهٴ كنزُالاِيمان : چې كله زمكه اورَپوَلے شي څنګه چې د دې رَپوَل [خوزول] مقرر دي.

     زوروې جټكے چې بيا بيا راځي، هغې ته زلزله وائي.^[1] زلزلے عام طور راځي او اوس جديد دَور دے، نن صبا خو د زلزلو د شِدَّت پيمائش هم كيږي. ريكټر اسكيل (Richter Scale) د زلزلے د شِدَّت ناپ كولو آله ده. د سائنسي وضاحتونو مطابق * د 3.0 نه واخله 3.9 پورې د شِدَّت چې كومه زلزله وي، په هغې كښې مونږ ته صرف د زمکې رَپيدل [وائبريشن] محسوسيږي * د 8.0 يا د دې نه زياته تيزه چې كومه زلزله وي، دا دومره تيزه وي چې پوره پوره ښارونه بربادوي او د دې په سبب د غرونو خټان