Jazbati Pun ky Nuqsanat

Al Quran Books Madani Channel

Magazine Courses Media

آیتِ کریمہ میں موجود لفظِ بَطَرًا کی وَضاحت

پیارے اسلامی بھائیو! اس آیتِ کریمہ میں لفظ استعمال ہوا ہے : بَطَرًا ۔ یہ بڑا قابِلِ غور لفظ ہے۔ امام رَاغِبْ اَصْفَہانی رَحمۃُ اللہِ عَلَیْہ اس لفظ کا معنی بیان کرتے ہوئے فرماتے ہیں : اَلْبَطَرُ دَہَشٌ بَطَر مَدْہَوشِی کی ایک کیفیت کا نام ہے۔ کون سی مدہوشی؟ یَعْتَرِی الْاِنْسَانَ مِنْ سُوْ ءِ اِحْتِمَالِ النِّعْمَۃِ یعنی وہ مدہوشی کی کیفیت جو نعمت سے متعلق بُرا اِحْتِمال جما لینے کی وجہ سے طاری ہوتی ہے۔ ^{(^[1])}

مثال کے طور پر *کوئی مالدار ہے ، وہ سمجھ لے کہ میں مال و دولت کے ذریعے سب کچھ حاصِل کر سکتا ہوں *جس کو طاقت کی نعمت ملی ہے ، وہ سمجھے کہ میں طاقتور ہوں ، کس میں ہمَّت ہے جو مجھے نقصان پہنچا سکے؟ *کوئی ذہین طالبِ عِلْم ہے ، وہ یہ گمان کر لے کہ میں تَو ذہین ہوں ، مجھے سبق یاد کرنے کی ، محنت کرنے کی ضرورت نہیں۔

یُوں جب آدمی نعمت سے متعلق بُرا اِحْتِمال جماتا ہے تو یہ گمان اُس کے شُعُور کو ڈھانپ لیتا ہے ، اس وقت اُس پر غنودگی کی ایک کیفیت طاری ہوتی ہے ، اس کے ہاتھ ، پیر ، جسم کے تمام اَعْضا پُوری طرح کام کر رہے ہوتے ہیں مگر اس کی سوچنے سمجھنے کی صلاحیت گویا سَو جاتی ہے ، وہ اپنے طَور پر سمجھ رہا ہوتا ہے کہ میں بڑی عقل مندی سے سوچ سمجھ کر فیصلہ کر رہا ہوں مگر اس وقت اُس کے شُعُور پر ، اس کی سوچنے سمجھنے کی صلاحیت پر جذبات کا ، نعمت سے متعلق بُرے گمان کا قبضہ ہوتا ہے ، یہ وہ غنودگی کی ، مَدْہَوشِی کی کیفیت ہے جسے عربی میں بَطَر کہا جاتا ہے اور یہی وہ کیفیت ہے جو جدید عِلْمِ نفسیات کی روشنی میں جذباتی پَن کے زُمْرَے میں آتی ہے۔

[1]...مفردات الفاظ القرآن ، کتاب : الباء ، صفحہ : 61۔

Important

Mobile Apps

Contact Us