Book Name:Safai Suthrai
اِنَّ اللّٰهَ یُحِبُّ التَّوَّابِیْنَ وَ یُحِبُّ الْمُتَطَهِّرِیْنَ(۲۲۲) (پاره: 2، سورة البقرة: 222)
ترجمو ڪنزُالعِرفان: بيشڪ الله گهڻي توبه ڪرڻ وارن سان محبت فرمائي ٿو ۽ خوب صاف سٿرو رهڻ وارن کي پسند فرمائي ٿو.
تفسير صراط الجنان ۾ آهي: هر صاحبِ ذَوق شخص هن ڳالھ کان چڱي نموني واقف آهي ته اَميري هجي يا فقيري هر حال ۾ صَفائي سُٿرائي انسان جي وقار ۽ شرف جي آئينه دار آهي جڏهن ته گندگي انسان جي عزّت ۽ عظمت جي بدترين دُشمن آهي. دينِ اسلام جتي انسان کي ڪفر ۽ شرڪ جي نجاستن کان پاڪ ڪري عزّت ۽ بلندي عطا ڪئي آهي، اتي ظاهري طهارت، صَفائي سُٿرائي ۽ پاڪيزگي جي اعليٰ تعليمات جي ذريعي انسانيت جو وقار بلند ڪيو آهي، بدن جي پاڪيزگي هجي يا لباس جي سُٿرائي، ظاهري شڪل ۽ صُورت جي عمدگي هجي يا طور طريقي جي چڱائي، مڪان ۽ ساز و سامان جي بهتري هجي يا سُواري جي صفائي، مطلب؛ هر هر شيء کي صاف سٿرو ۽ نگاھ کي وڻندڙ رکڻ جي دِينِ اسلام ۾ تعليم ۽ ترغيب ڏني وئي آهي۔([1])
صَفَائي سُٿرائي جي اهميت تي چار حديثون
(1): حضرت ابومالِڪ اَشعَري رَضِىَ اللهُ عَنۡهُ کان روايت آهي: نبي اڪرم، نورِ مجسم صَلَّى اللّٰهُ عَلَيۡهِ واٰلِهٖ وَسَلَّم جن فرمايو: پاڪيزگي نِصف (اڌ) ايمان آهي([2]) (2):اُمُّ المُؤمِنِين حضرت عائشه صديقه رَضِىَ اللهُ عَنۡهَا کان روايت آهي، سرڪارِ عالي وقار، مڪي مدني تاجدار صَلَّى اللّٰهُ عَلَيۡهِ واٰلِهٖ وَسَلَّم ارشاد فرمايو: بيشڪ اسلام صاف سٿرو (دين) آهي، توهان