اب حضرت عَبْدُ الْـمُطَّلِب  رَضِیَ اللہ عَنْہُ مطمئن ہوئے اورحضرت عبد اللہ رَضِیَ اللہ عَنْہُ کے فدیے میں سَو اُونٹ قربان کر کے اللہ پاک کا شکر بجا لائے۔ ^([1])

اس واقعہ کے بعدوالدِ مصطفےٰ حضرت عبد اللہ رَضِیَ اللہ عَنْہُ کا لقب “ ذبیح “ ہوا۔ حضرت امیر ِمعاویہ رَضِیَ اللہ عَنْہُ فرماتے ہیں : عرب کے ایک دیہاتی نے بارگاہِ رِسالت میں حاضِر ہو کر کہا : یَا اِبْنَ الذَّبِیْحَیْن! اے2ذبیحوں کے بیٹے! رسولِ کریم صَلَّی اللہ عَلَیْہِ وَاٰلِہٖ وَسَلَّم یہ سُن کر مسکرائے۔ ^([2])

اللہ پاک  کے آخری نبی ، محمدِ عربی صَلَّی اللہ عَلَیْہِ وَاٰلِہٖ وَسَلَّم نے اسے ناپسند نہ کیاحضرتِ معاویہ رَضِیَ اللہ عَنْہُ سےدیگر صحابۂ کرام نے پوچھا ، 2 ذبیح کون ہیں؟ کہا حضرتِ سیدنااسماعیل ذبیح اللہ عَلیہِ السَّلام اور  والدِ مصطفےٰ حضرتِ سَیِّدُنا  عبداللہ رَضِیَ اللہ عَنْہُ۔

میں ہوں ابنِ دو ذبیح ارشاد حضرت نے کیا        یعنی اسماعیل جو جدِّ عرب ہیں بَرملا

                                                                          اور عبداللہ جو ہیں والدِ خیر الوریٰ                                                                  ذبح کرنے کے لیے تھا باعثِ الہام کیا

اس میں ایک نکتہ ہے یعنی جس کے ہو ایسا پِسَر        باپ دادا چاہیے قرباں ہوں اس پر سربَسَر^([3])

والدِ  مصطفےٰ                 جنتی جنتی

مادَرِ مصطفےٰ                 جنتی جنتی

والدینِ مصطفےٰ             جنتی جنتی

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد