Book Name:Mola Ali Shair e Khuda
ہوتابلکہ اُسے اُمید ہوتی کہ مجھے یہا ں اِنصاف ضَرور ملے گا ۔ اللہ عَزَّوَجَلَّ کی قسم!میں نے دیکھا کہ جب رات آتی تو آپ کَرَّمَ اللّٰہُ تَعَالٰی وَجْہَہُ الْکَرِیْماپنی داڑھی مُبارَک پکڑ کر زارو قطا ر روتے اور زخمی شخص کی طرح تَڑپتے ، میں نے آپ کَرَّمَ اللّٰہُ تَعَالٰی وَجْہَہُ الْکَرِیْمکو یہ فرماتے ہوئے سُنا : '' اے دنیا ! آیا تُو نے مجھ سے منہ موڑلیا ہے یا ابھی تک میری مُشتاق ہے؟ اے دھوکے باز دُنیا! جا ، تُو کسی او ر کو دھوکہ دے ، میں تجھے 3 طلاقیں دے چکاہوں ، اب اس میں ہرگز رُجوع نہیں۔ تیری عُمر بَہُت کم ہے اور تیری آسائشِیں اور نِعمتیں انتہائی حَقیر ہیں اورتیرے نُقصانا ت بَہُت زیادہ ہیں ، ہائے !سفرِ (آخرت) نہایت طویل ہے ، زادِ راہ بَہُت قلیل اور راستہ انتہائی خطرناک اورپیچ دار ہے ، یہ سُن کر حضرتِ سیدنا امیر مُعاوِیہ رَضِیَ اللّٰہُ تَعَالٰی عَنْہُ کی آنکھوں سے آنسوبہنے لگے ، حتّٰی کہ رِیش مبارک آنسوؤں سے تَر ہوگئی اور وہاں مَوْجُود لوگ بھی زار وقطاررونے لگے ۔ پھر آپ رَضِیَ اللہ تَعَالٰی عَنْہ نے فرمایا : '' اللہ عَزَّ وَجَلَّ ابُو الَحَسَن (حضرتِ سیدنا علی المرتضی ، شیرِخداکَرَّمَ اللہُ تَعَالٰی وَجْھَہُ الْکَرِیْم )پررحم فرمائے ، اللہ عَزَّ وَجَلَّ کی قسم! وہ ایسے ہی تھے۔ (کراماتِ شیرِخدا ، ص۳۹) (عیون الحکایات ، ص : ۲۵)
اشک بار آنکھیں عَطا ہوں دل کی سختی دُور ہو
دیجئے خَوفِ خُدا مَولیٰ علی مُشکل کُشا!
پَیکرِ جُود و سخا تُو میں فقیر و بے نوا
تُو ہے داتا میں گدا مَولیٰ علی مُشکل کُشا!
(وسائل بخشش ، ص : ۵۲۴)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد