بڑے مبلغ ، مولا علی شیرِ خدا پختہ یقین اور اِعتما  د کے ساتھ دُرست فیصلے فرمانے والے ، مولا علی شیرِ خدا مُتّقیوں کے پیشوا ، مولا علی شیرِ خدا وعدہ پوراکرنے والے ، مولا علی شیرِ خدا دِین کے دُشمنوں سے ڈَٹ کرمقابلہ کرنے والے اور اُنہیں بربا د کرنے والے ، مولا علی شیرِ خدا ایمان والو ں کے سردار ، مولا علی شیرِ خدا بِن مانگے عطا فرمانے والے اور بہت زِیادہ سخاوت فرمانے والے ہیں۔

شیخِ طریقت ، امیرِاہلسُنَّت ، بانیِ دعوتِ اسلامی حضرت ِ علّامہ مولانا ابُو بِلا ل محمد الیاس عطارقادِری رَضَوی ضِیائی  دَامَتْ بَرَکَاتُہُمُ الْعَالِیَہ اپنے رِسالے کراماتِ شیرِ خُدا  میں آپ کَرَّمَ اللہُ وَجْہَہُ الْکَرِیْم   کا تَعارُف کچھ یُوں بیان فرماتے ہیں کہ

نام ونسب وحُلیہ مُبارَک

امیرُ الْمُؤْمِنِین حضرتِ سیِّدُنا مولیٰ علی مُشکِل کُشا شیرِ خُدا کَرَّمَ اللہُ وَجْہَہُ الْکَرِیْم     مکّۃ المکرَّمہ زَادَہَااللہُ شَرَفًاوَّ تَعۡظِیۡمًا میں پیدا ہوئے۔ آپ کَرَّمَ اللہُ وَجْہَہُ الْکَرِیْم  کی والِدۂ ماجِدہ حضرت سیِّدَتُنافاطِمہ بنتِ اَسَد   رَضِیَ اللہ تَعَالٰی عَنْہا نے اپنے والِد کے نام پر آپ کا نام’’حیدر‘‘رکھا ، والِدنےآپ کَرَّمَ اللہُ وَجْہَہُ الْکَرِیْم  کا نام ’’عَلی‘‘رکھا۔ حُضورِ پُرنُور ، شافعِ یومُ النُّشُور صَلَّی اللہ عَلَیْہِ وَاٰلِہٖ وَسَلَّم  نے آپ  کَرَّمَ اللہُ وَجْہَہُ الْکَرِیْم   کو ’’ اَسَدُاللّٰہ ‘‘(اللہ کا شیر) کے لَقَب سے نَوازا ، اِس کے عِلاوہ ’’مُرتَضٰی(یعنی چُنا ہوا)‘‘ ، ’’ کَرّار(یعنی پلٹ پلٹ کر حملے کرنے والا)‘‘ ، ’’شیرِ خُدا‘‘اور’’مولامشکِل کُشا‘‘آپ کَرَّمَ اللہُ وَجْہَہُ الْکَرِیْم  کےمَشہور اَلقابات ہیں۔ آپ کَرَّمَ اللہُ وَجْہَہُ الْکَرِیْم  مکّی مَدَنی آقا ، پیارے پیارےمُصْطفٰے صَلَّی اللہ عَلَیْہِ وَاٰلِہٖ وَسَلَّم کے چچازاد بھائی ہیں۔ (مراٰ ۃ المناجیح ج ۸ ص۴۱۲ وغیرہ ملخصا ، کراماتِ شیرِخدا ، ص : ۱۱)خلیفۂ چہارُم ، جانَشینِ رسول ، زَوجِ بَتُول حضرتِ سیِّدُنا علی بن ابی طالب کَرَّمَ اللہُ وَجْہَہُ الْکَرِیْم  کی کُنْیَت’’ابُوالحَسن‘‘ اور ’’ابُوتُراب‘‘ہے۔

اس نے لقبِ خاک شہنشاہ سے پایا