شانِ علی احادیثِ مُبارَکہ کی روشنی میں :

پیارے اسلامی بھائیو!قرآنِ پاک کی آیتِ  مبارکہ سے  ہم نے حضرت سَیِّدُنا علی المرتضی کی شان وعَظَمت سماعت کی ۔ اس کے علاوہ مُتَعدَّداحادیثِ مُبارَکہ میں نبیِّ اکرم ، نورِ مجسم  صَلَّی اللہ عَلَیْہِ وَاٰلِہٖ وَسَلَّم  نے آپ کَرَّمَ اللہُ وَجْہَہُ الْکَرِیْم   کی جو شان بَیان فرمائی ہے آئیے ! اُن میں سے چند فرامین ِ مُصْطفےٰ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَسُنْتے ہیں ۔ چُنانچہ 

(1)سرکار  صَلَّی اللہ عَلَیْہِ وَاٰلِہٖ وَسَلَّم  نے حَضْرتِعلی سے فرمایا : اَنْتَ مِنِّي بِمَنْزِلَةِ هَارُونَ مِنْ مُوسَى اِلَّا اَنَّهُ لَا نَبِيَّ بَعْدِي ، یعنی تُم میرے لئے ایسے ہی ہو جیسے موسیٰ(عَلَیْہِ السَّلَام ) کے نزدیک ہارون(عَلَیْہِ السَّلَام ) کا مَقام تھا مگر یہ کہ میرے بعد کوئی نبی نہیں۔ (مسلم ، ص : ۱۳۱۰ ، حدیث : ۲۴۰۴)

 (2) عَلِيٌ مِّنِّي بِمَنْزِلَةِ رَأسِيْ مِنْ بَدَنِيْ ، یعنی علی کاتعلُّق مجھ سےایساہی ہےجیسامیرے سَرکاتَعلُّق میرے جِسْم سےہے۔

 (کنزالعمال ، ۶ / ۲۷۷ ، حدیث : ۳۲۹۱۱ )

(3)اَنَادَارُالْحِکْمَۃِ وَعَلِیٌّ بَابُھا یعنی میں حکمت کا گھر ہوں اورعلی اس کا دروازہ ہیں۔ (ترمذی ، ۵ ص : ۴۰۲ ، حدیث : ۳۷۴۴)

ایک ذرّہ اپنی اُلفت کا عنایت کر مجھے

اپنا دیوانہ بنا مولیٰ علی مشکل کُشا!

(وسائلِ بخشش : ۵۲۴)

پیارے اسلامی بھائیو!دیکھا آپ نے کہ ہمارے پیارے آقا ، مدینے والے مُصطَفٰے  صَلَّی اللہ عَلَیْہِ وَاٰلِہٖ وَسَلَّم  نےحضرتِ سَیدنا علی المرتضی کَرَّمَ اللہُ وَجْہَہُ الْکَرِیْم  کی کیسی شان بَیان فرمائی ہے۔ اتنے انعامات واکرامات کے علاوہ بھی اللہ پاک نے آپ رَضِیَ اللّٰہُ تَعَالٰی عَنْہُ  کو بے شُمار خوبیاں عطافرمائی