Mola Ali Shair e Khuda

Al Quran Books Madani Channel

Magazine Courses Media

صَدرُالاَفاضل حضرت علامہ مولانا سیِدمحمدنعیمُ الدین مُرادآبادی عَلَیْہِ رَحمَۃُ اللّٰہ ِالْہَادِی فرماتے ہیں : سیّدِ عالَم صَلَّی اللہ عَلَیْہِ وَاٰلِہٖ وَسَلَّم کی بارگاہ میں جب اغنیاء (مالداروں)نے عَرْض و معروض کا سلسلہ دراز کیا اور نوبت یہاں تک پہنچ گئی کہ فُقراء کو اپنی عرض پیش کرنے کا مَوقع کم ملنے لگا تو عرض پیش کرنے والوں کو عرض پیش کرنے سے پہلے صَدَقہ دینے کا حکم دیا گیا اور اِس حکم پر حضرت علیِ مرتضٰی کَرَّمَ اللہُ وَجْہَہُ الْکَرِیْم نے عمل کیا ، ایک (1)دِینار صَدَقہ کرکےکچھ مَسائل دَریافت کئے ، عرض کیا یارَسُوْلَ اللہ صَلَّی اللہ عَلَیْہِ وَاٰلِہٖ وَسَلَّم وفا کیا ہے ؟ فرمایا توحید اور توحید کی شہَادت دینا ۔ عرض کیا ، فَساد کیا ہے ؟ فرمایا کفر و شرک ۔ عرض کیا حق کیا ہے ؟ فرمایا اسلام و قرآن اور ولایت جب تجھے ملے ۔ عرض کیا مجھ پر کیا لازِم ہے ؟ فرمایا اللہ تَعالیٰ اور اُس کے رسول کی طاعَت ۔ عرض کیا!اللہ تَعالیٰ سے کیسے دُعا مانگوں؟ فرمایا : صِدق ویقین کے ساتھ ۔ عرض کیا ، کیا مانگوں ؟ فرمایا : عاقِبت(یعنی آخرت)۔ عرض کیا !اپنی نَجات کےلئے کیا کروں ؟ فرمایا حَلال کھا ؤاور سچ بولو۔ عرض کیا سُرورکیا ہے ؟ فرمایا : جنّت ۔ عرض کیا راحَت کیا ہے ؟ فرمایا اللہ عَزَّوَجَلَّ کا دیدار ۔ جب حضرت علی المرتضیٰکَرَّمَ اللہُ وَجْہَہُ الْکَرِیْم ان سُوالوں سے فارغ ہوگئے تو یہ حکْم منسوخ ہوگیا اور رُخصَت نازل ہوئی ، سوائے حضرتِ علی المرتضیٰکَرَّمَ اللہُ وَجْہَہُ الْکَرِیْم کے اور کسی کو اِس (آیت) پر عمل کرنے کا وقت نہیں ملا۔ (تفسیر خزائن العرفان)

وہ آیتِ مُبارَکہ یہ ہے :

یٰۤاَیُّهَا الَّذِیْنَ اٰمَنُوْۤا اِذَا نَاجَیْتُمُ الرَّسُوْلَ فَقَدِّمُوْا بَیْنَ یَدَیْ نَجْوٰىكُمْ صَدَقَةًؕ- (پ۲۸ ، المجادلة : ۱۲)

تَرْجَمَۂ کنز الایمان : اےایمان والو جب تم رسول سے کوئی بات آہستہ عرض کرنا چاہو تو اپنی عرض سے پہلے کچھ صدقہ دے لو ۔

Important

Mobile Apps

Contact Us