Book Name:Nekiyaan Chupaeye
ہمارے پیارے نبی صَلَّی اللہُ عَلَیْہِ وَاٰلِہٖ وَسَلَّم نے بھی ہمیں نیکیاں چھپانے کی ترغیب دلائی ہے ، چنانچہ
اِرشادفرمایا : تم میں سے جوکوئی نیک اعمال پوشیدہ رکھنےکی اِستطاعت رکھتاہوتواُسے چاہیےکہ وہ ایساہی کرے (یعنی اپنے نیک اعمال کو چھپائے۔ ) (جامع صغیر ، ص ۵۱۲ ، حدیث : ۸۴۰۵) ( نیکیاں چھپاؤ ، ص۱۲)
رحمت والے نبی صَلَّی اللّٰہُ عَلَیْہِ واٰلِہٖ وَسَلَّمَ نےاِرشاد فرمایا : وہ ذِکرجس کو نگہبان فرشتے بھی نہ سُن سکیں ، اُس ذِکر پر جسے وہ سُن سکیں ، ستّر (70) درجے زیادہ فضیلت رکھتاہے۔
(کنز العمال ، کتاب الاذکار ، باب الاول فی الذکر وفضیلتہ ، ۱ / ۲۲۷ ، جز : ۱ ، حدیث : ۱۹۲۵۔ رسالہ نیکیاں چھپاؤ ، ص۱۲)
اےکاش!ہم اپنے نفل روزے ، نفل نماز ، نفل حج اور عُمرہ ، صدقہ و خیرات ، دِینی خدمات کا بِلا وجہ ڈھنڈورا پیٹنے سے بچیں ، تہجد ، اِشرا ق و چاشت اور اوّابین وغیرہ نوافل کو حتی الامکان لوگوں سے چھپائیں اورنفل نمازیں چھپ کر پڑھنےکی عادت بنائیں ۔ آئیے! میں آپ کو فضیلت بتاتا ہوں ، چنانچہ
اَمیرِ اَہلِ سُنّت حضرت علامہ مولانا محمد الیاس قادری دَامَتْ بَـرَکاتُہُمُ الْعَالِیَہ “ فیضانِ نماز “ کے صفحہ نمبر 79 پر لکھتے ہیں : سرکارِ مدینہ صَلَّی اللّٰہُ عَلَیْہِ واٰلِہٖ وَسَلَّمَ نے اِرشاد فرمایا : جو تنہائی میں دو رکعت نمازپڑھےکہ اللہ پاک اور اُس کےفرشتوں کےسِواکوئی نہ دیکھے ،