Book Name:2 Mubarak Hastiyan
كرم ايسا كردو خدا كی عبادت کی لذّت مَیں پاؤں امامِ غزالی!
كرم ايسا كردو کہ سجدوں کا میں بھی شہا! لطف اٹھاؤں امامِ غزالی!
تُو ایسا گما عشقِ حق میں نہ ہرگز پتا اپنا پاؤں امامِ غزالی!
کرم! وقتِ رِحلت ہے کلمے سے محروم کہیں مر نہ جاؤں امامِ غزالی!
منقول ہے کہ ایک بار حضرت امام غزالیرَحْمَۃُ اللّٰہ ِعَلَیْہ مکۂ مُعَظَّمہمیں تشریف فرماتھے ۔ اس وقت آپ ظاہری شان و شوکت سے بے نیاز ہو چکے تھے۔ اس لئے آپ نہایت سادہ اورمعمولی قسم کالباس پہنے ہوئے تھے۔ آپ کے لباس کی سادگی دیکھ کر حضرت عبدُالرَّحْمٰن طُوسی رَحْمَۃُ اللّٰہ ِعَلَیْہ نے عرض کی : آپ کے پاس اس کے علاوہ اورکوئی کپڑانہیں ہے۔ آپ وَقْت کے اِمام اور قوم کے پیشوا ہیں ، ہزاروں لوگ آپ کے مُرید ہیں؟ آپ نے جواب دیا : ایسےشخص کالباس کیادیکھتے ہو ، جواس دُنیامیں ایک مُسافرکی طرح مُقیم ہواورجواس کائنات کی رنگینوں کوفانی(فنا ہوجانے والی)اوروَقْتی تَصوُّرکرتاہو۔ جب والیٔ دوجہاں ، رحمت ِ عالمیاں صَلَّی اللّٰہُ عَلَیْہِ واٰلِہٖ وَسَلَّمَ اس دنیامیں مُسافرکی طرح رہے اورکچھ مال وزَراِکٹھانہ کیا تومیری کیا حَیْثیَّت اورحقیقت ہے۔ (مقدمہ کیمیائے سعادت مترجم ، از مولانا سعید احمد نقشبندی ص۳۱)
امیر اہلسنت دَامَتْ بَرَکَاتُہُمُ الْعَالِیَہ کیا خوب فرماتے ہیں :
مِری زندگی بس تری بندگی میں ہی اے کاش گزرے سدا یاالٰہی
نہ ہوں اَشک برباد دنیا کے غم میں محمد کے غم میں رُلا یاالٰہی
عطا کردے اِخلاص کی مجھ کو نعمت نہ نزدیک آئے رِیا یاالٰہی