ہوئی تو اُنہیں معلوم ہوا کہ ایک عرصے سے وضو خانوں کی صفائی کرنے والا یہ اجنبی زبردست زاہد و عابد اورنامور عالمِ دِین ہے۔ انہوں نے درخواست کی کہ ’’آپ ہمیں علمِ دین کی تعلیم دیں۔ ‘‘لیکن وہ  عالمِ دین شہرت و ناموری ترک کر چکے تھے ، اس لئے رات کے اندھیرے میں اس شہر کو خیر باد کہا اور کسی نامعلوم مقام کو اپنا مسکن بنا لیا۔

(طبقات الشافعیۃ الکبریٰ ، الطبقۃ الخامسۃ ، محمد بن محمد۔ ۔ ۔ الخ ، مبدأ طلب حجة الاسلام العلم ،   ۶ / ۱۹۸)

ترے در پر آؤں امامِ غزالی                                   ترا فیض پاؤں امامِ غزالی!

لئے خالی جھولی میں در پر کھڑا ہوں                           نہ مایوس جاؤں امامِ غزالی!

ترے در سے تقویٰ کی اے کاش!آقا!                   میں خیرات پاؤں امامِ غزالی!

صَلُّوْا عَلَی الْحَبِیْب!                                           صَلَّی اللّٰہُ  عَلٰی مُحَمَّد

                             پیارے پیارے اسلامی بھائیو!شان و شوکت اورجاہ و منصب  کو رِضائے الٰہی کے لئے  ترک کرنے والے ، گمنامی کے پردوں میں گم ہو کر وضو خانوں کی صفائی کرنے والے اس اجنبی عالمِ دین کوآج دنیا حُجَّۃُالْاِسْلاَمحضرت سیدنا امام محمدبن محمد بن محمد  غزالی  شافعی   رَحْمَۃُ اللہِ تَعَالٰی عَلَیْہِ  کے نام سے جانتی ہے۔

شہرت و ناموری کی خواہش سے بچئے!

                             اس حکایت سے ہمیں یہ درس ملتا ہے کہ شہرت اور ناموری سے بچنا ہی ہمارے لیے عافیت کا باعث ہے۔ غور تو کیجئے!امام غزالی   رَحْمَۃُ اللہِ تَعَالٰی عَلَیْہِ   اپنی علمی صلاحیت ، تدریس و تصنیف میں کمال ، ذہانت و عمدہ حافظے ، زورِ بیان اور خطابت ، تقویٰ و