پاک ہمیں رِیاکاری کی آفت سے محفوظ فرمائے۔

رِیا کاریوں سے سیاہ کاریوں سے                                                      بچا یا الٰہی بچا یا الٰہی

(آدابِ طعام، ص۲۲۸)

       پیارے اسلامی بھائیو!یادرہے!کہ نیکیاں ظاہرکرنے کےجو نقصانات بیان کیے گئے ہیں،اِنہیں پیشِ نظر رکھتے ہوئے ہمیں اپنی نیکیوں کو چھپاناہے ،البتہ اگرکسی اور کواپنی نیکیاں ظاہرکرتاہواپائیں تواُس سے بدگمانی ہرگزنہ کی جائے کہ یہ رِیاکاری یا حُبِ جاہ کے لیے اپنی عبادات اور نیک اعمال کا اِظہارکررہاہے۔بلکہ اُس کے بارے میں اچھا گمان رکھا جائے کہ ہوسکتاہے کہ  اُ س کے پیشِ نظر کسی نعمت کے اِظہار یا کسی نیک عمل کی  ترغیب  کااِرادہ کارفرماہو۔وہ شخص تواپنی نیکیوں کے اِظہارمیں اچھی نیّت کی وجہ سے  گناہ گارنہ ہورہاہواورہم مسلمان سے بدگمانی کرکے حرام کام کااِرتکاب کررہے ہوں۔اللہ پاک ہمیں رِیاکاری،بدگمانی اوردیگرتمام باطنی بیماریوں سے شفانصیب فرمائے۔

گناہوں کو بھی چھپائیے

      پیارے پیارے اسلامی بھائیو! نیکیوں کو چھپانے کی ترغیب دی گئی ہے ،جبکہ   گناہوں کو  چھپانے کاحکم  دیا گیاہے۔ نیکیوں کو تو اس لیے  چھپایا جاتا ہے تا کہ وہ تکبر و رِیاکاری  وغیرہ کے سبب ضائع نہ ہو جائیں جبکہ  گناہوں کو اس لیے چھپایا جاتا ہے کہ وہ پہلے ہی سے اللہ پاک کی ناراضی کا سبب ہوتے ہیں اور انہیں ظاہر کرنا جرأت اور دِیدہ دلیری ہے لہٰذا ان کا اِظہار ہرگز  نہ کیا جائے۔فتاویٰ شامی میں ہے:اِظْهَارُ الْمَعْصِيَةِ