(وسائلِ بخشش مرمم،ص۲۴۳)

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!حُصُولِ ثَوَاب کی خَاطِر بَیان سُننےسے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔^([1])

مدنی پھول :جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گا۔٭ضَرورَتاً سِمَٹ سَرَک کر دوسرے کے لئے جگہ کُشادہ کروں گا ۔ ٭دَھکّا وغیرہ لگا توصَبرکروں گا، گُھورنے،جِھڑکنے اوراُلجھنے سے بچوں گا۔٭صَلُّوْا عَلَی الْحَبِیْبِ، اُذْکُرُوا اللّٰـہَ، تُوبُوْا اِلَی اللّٰـہِ  وغیرہ سُن کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا۔٭اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھےمیٹھےاسلامی بھائیو!اسلام لوگوں کے دِلوں کی رعایت کرتا ہے،جس قوم کے لوگوں میں جو چیز رائج ہو اور ان کے دل اُسے اچھا محسوس کریں، وہ اس عمل کو کرتے ہوں  ،لیکن اُسے واجب نہیں سمجھتے اور نہ وہ  کام شریعت سے ٹکراتا ہے تو ایسے کاموں کو کرنے کی شریعت ترغیب دلاتی ہے۔ جیسے دُولہا کے لیے سہرےیاگجرے کا ہونا کہ کئی قوموں میں یہ رائج ہے۔ البتہ دینِ اسلام دِلوں کی رعایت کے ساتھ ساتھ مال،عقل،مسلمان کی عزّت اور دِین کے اُصولوں کی حفاظت کا بھی درس دیتا ہے،لہٰذا ہر وہ