تماشائیوں کے گناہ کا یہی سبب ہے اور سب کے مجموعہ کے برابر اس پر گناہ کا بوجھ۔آتش بازی میں کبھی کپڑے جلتے کبھی کسی کے مکان میں آگ لگ جاتی ہے کوئی جل جاتا ہے۔مسلمان پر لازم ہےکہ اپنے ہر کام کوشریعت کےموافق کرے،اللہ(پاک)ورسولِ(کریم،رءوف رحیمصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)کی مخالفت سے بچے اسی میں دین و دنیا کی بھلائی ہے۔(بہارِ شریعت،۲/۱۰۶ملتقطاً)

شادیوں میں مت گنہ نادان کر                                       خانہ بربادی کا مت سامان کر

چھوڑ دے سارے غلَط رَسْم ورواج                                  سنّتوں پر چلنے کا کر عہد آج

خوب کر ذِکْرِ خدا و مُصْطَفٰے                                              دل مدینہ اُن کی یادوں سے بنا

12مَدَنی کاموں میں سے ایک مَدَنی کام’’چوک دَرْس‘‘

میٹھے میٹھے اسلامی بھائیو!شادی بیاہ اور دیگر خوشی غمی کی تقریبات کے مواقع پر شریعت کی پیروی کاذہن پانےاوردین ودنیا کی کامیابی و بھلائی پانے کےلئے عاشقانِ رسول کی مَدنی تحریک دعوتِ اسلامی کے  مَدَنی ماحول سے وابستہ رہیے اور ذیلی حلقے کے12 مَدَنی کاموں میں حصہ لے کر اپنے علاقے میں سُنّتوں کی دھومیں مچائیے۔ذیلی حلقے کے12 مَدَنی کاموں میں سے روزانہ کا ایک مَدَنی کام ”چوک دَرْس“بھی ہے۔اَلْحَمْدُلِلّٰہ٭چوک دَرْس مُسَلمانوں کو بُرائیوں سےبچانے کا ذَرِیْعَہ ہے۔ ٭چوک دَرْس بے نمازیوں کو نمازی بناتا ہے۔٭چوک دَرْس مسجدوں سے دُور رہنے والوں کو مسجدوں سے قریب کرتا ہے۔٭چوک دَرْس کی بَرَکت سے نیکیوں میں رَغْبَت پیدا ہوتی ہے۔٭چوک دَرْس کی بَرَکت سے عَلاقے(Area)میں مَدَنی کاموں کی دُھومیں مچ جاتی ہیں۔٭چوک دَرْس نمازوں کی پابندی کا ذِہْن بنانےکے ساتھ ساتھ عِلْمِ دِیْن کی بہت سی باتیں سیکھنے سکھانے کا ذَرَیْعہ ہے اورلوگوں تک  عِلْمِ دِیْن کی باتیں پہنچانا،اَجْرو ثَواب کاکام ہے،چنانچہ