میری کہانی میری زبانی/تعاوُن کرنے والے کو شکریہ سے نوازنا

شیخِ طریقت امیر اہلِ سنت بانی دعوتِ اسلامی، حضرت علامہ مولانا ابوبلال محمد الیاس عطاری قادری رضوی دَامَت بَرَکاتُہُمُ الْعَالِیَہ کے مکتوبات سے انتخاب

میری کہانی میری زبانی؟

بِسْمِ اللّٰهِ الرَّحْمٰنِ الرَّحِیْمِ

سگِ مدینہ ابو بلال محمد الیاس عطّاؔرقادری رضویعُفِیَ عَنْہُ کی جانب سے ۔۔۔مدنی کی خدمت میںمَعَ السَّلَام عرض ہے:

 یقین مانئے! میرے دل میں ہلچل مچی ہوئی ہے، کافی اِضطراب ہے، ایسا لگتا ہے ”اپنی کہانی اپنی ہی زبانی“کے ذریعے بزبانِ خود ’’اپنے منہ میاں مٹھو‘‘ بننے کی ترکیب ہے، میں”ہاں“ کرکے پھنس گیا ہوں، مجھے نکلنے میں مدد کیجئے، برائے کرم! مجھے سمجھانے کے بجائے میری دُرُست رہنمائی کیجئے، شاید میں بہت بڑی بھول کررہا ہوں، کہیں میری آخرت تو داؤ پر نہیں لگ رہی! وَاللہ! میں بے حد کمزور و ناتواں ہوں جبکہ میرا نفس نہایت قوی اور توانا ہے، مجھے بچالیجئے، جتنا خرچ اب تک مووی(Movie) بنانے پر ہوا وہ مجھ سے وُصول کرلیجئے، میرا ضمیر ملامت کررہا ہے، دل گھبرا رہا ہے۔ آہ! اللہ  عَزَّوَجَلَّ کی خفیہ تدبیر! جہاں آپ کے مجھ پر بے شمار احسانات ہیں وہاں ایک احسان اور کردیجئے اور میری خَلاصی کروا دیجئے۔ جتنے سلسلے بَن چکے ہیں وہ ڈیلیٹ (Delete) کروادیجئے۔ برائے مہربانی! مجھے دلائل مَت دیجئے گا، مجھے فوائد معلوم ہیں، اُمّت کا فائدہ ہی سہی مگر کہیں میرا مُعامَلہ خراب نہ ہوجائے! ویسے ہی جسے دیکھو میرے فضائل بیان کئے جارہا ہے اور اب رہی سہی کَسر یوں پوری ہو رہی ہے کہ میں خود اپنی زبانی بھی اپنے فضائل سناؤں! نا! نا! یہ مجھے نہیں کرنا چاہئے۔ اللہ  عَزَّوَجَلَّ آپ کو اور مجھے بے حساب بخشے، میری اس سلسلے سے نجات کی سبیل نکالئے۔

                                                                                                                                                                                                                             وَالسَّلَام مَعَ الْاِکْرَام

Description: bapa-sign

تعاوُن کرنے والے کو شکریہ سے نوازنا

بِسْمِ اللّٰهِ الرَّحْمٰنِ الرَّحِیْمِ

 سگِ مدینہ ابو بلال محمد الیاس عطّارؔ قادری رضویعُفِیَ عَنْہُ کی جانب سے محسنِ عطّارکی خدمتِ سراپا الفت میں مَدَنی مٹھاس سے تَر بَتَر شکریہ بھرا سلام!

میںعلاج کیلئے زم زم نگرحیدر آباد شریف حاضر ہوا، یہ میرا نجی معاملہ تھا اس کے باوجود آپ نے انتہائی کرم نوازی فرمائی، اللہ عَزَّوَجَلَّ آپ اور آپ کے اہلِ خانہ کو دونوں جہاں کی بھلائیاں نصیب فرمائے۔ اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

اہلِ خانہ اور جملہ اسلامی بھائیوں کو میرا سلام۔

                                                        وَالسَّلَام مَعَ الْاِکْرَام       

Description: bapa-sign

 

 

Share

Articles

Comments


Security Code