نبی پاک صلَّی اللہ علیہ واٰلہٖ وسلَّم کا نام ”محمد“ کس نے رکھا؟

کیا آپ جانتے ہیں؟

*   محمد صفدر علی عطاری مدنی

ماہنامہ ربیع الاول1442ھ

سوال : نبی پاک  صلَّی اللہ علیہ واٰلہٖ وسلَّم  کا نام “ محمد “ کس نے رکھا؟

جواب : آپ کے دادا عبدُالمطلب نے۔ (تاریخ ابنِ عساکر ، 3 / 32  )

سوال : کپڑوں کی سِلائی کرنا کس نے ایجاد کیا؟

جواب : حضرت ادریس  علیہ السَّلام  نے۔ (جامع الاصول فی احادیث الرسول ، 12 / 165)

سوال : اعلانِ نبوت سے پہلے رسولِ اکرم  صلَّی اللہ علیہ واٰلہٖ وسلَّم  کس غار میں عبادت کرنے جاتے تھے؟

جواب : غارِ حراء میں۔ (بخاری ،  1 / 7 ، حدیث : 3 )

سوال : قیامت کے دن حُضور  صلَّی اللہ علیہ واٰلہٖ وسلَّم  کس چیز پر سُوار ہوں گے؟

جواب : بُراق پر۔ (مستدرک حاکم ، 4 / 135 ، حدیث : 4780)

سوال : وہ کون سا شخص ہے جو زمین پر ہونے والے ہر ناحق قتل کے گناہ میں شریک ہے؟

جواب : قابیل۔ کیونکہ سب سے پہلا قتل اسی نے کیا تھا۔ (ابن ماجہ ، 3 / 260 ، حدیث : 2616 )

سوال : حضرت خدیجہ  رضی اللہ عنہا  رسولِ اکرم  صلَّی اللہ علیہ واٰلہٖ وسلَّم  کی کن خوبیوں سے متأثر ہوئیں؟

جواب : امانت داری ، سچائی اور اچّھے اخلاق سے۔ (سیرتِ حلبیہ ، 1 / 200)

سوال : کن چار موقعوں پر شیطان دھاڑیں مار مار کر رویا تھا؟

جواب : (1)جب بارگاہِ الٰہی سے اس پر لعنت کی گئی (2)جب اسے زمین پر اُتارا گیا (3)جب رسولِ اکرم  صلَّی اللہ علیہ واٰلہٖ وسلَّم  کی بعثت ہوئی (4)جب سورۂ فَاتِحَہ نازل ہوئی۔ (حلیۃ الاولیاء ، 3 / 341 ، حدیث : 4209)

ــــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ*   شعبہ ملفوظاتِ امیرِ اہلِ سنّت ، المدینۃالعلمیہ ، باب المدینہ کراچی

 

Share

Articles

Comments


Security Code