Thandi Thandi Hawa Haram Ki Hai

وہ سرورِ کشورِ رسالت جو عرش پر جلوہ گر ہوئے تھے

وہ سَرورِ کِشورِ رسالت جو عرش پر جلوہ گَر ہوئے تھے

نئے نرالے طَرَب کے ساماں عرب کے مہمان کے لیے تھے

وہاں فلک پر یہاں زمیں میں رَچی تھی شادی مَچی تھی دُھومیں

اُدھر سے اَنوار ہنستے آتے اِدھر سے نَفْحات اُٹھ رہے تھے

خدا ہی دے صبر جانِ پُرغم دِکھاؤں کیوں کر تجھے وہ عالَم

جَب اُن کو جُھرمٹ میں لے کے قُدسی جِناں کا دولھا بنا رہے تھے

نمازِ اَقصیٰ میں تھا یہی سِرّ عیاں ہو معنیِ اوّل آخر

کہ دَست بَستہ ہیں پیچھے حاضر جو سلطنت آگے کرگئے تھے

خدا کی قدرت کہ چاند حق کے کروڑوں منزل میں جلوہ کرکے

ابھی نہ تاروں کی چھاؤں بدلی کہ نور کے تڑکے آلیے تھے

نبیِّ رحمت شفیعِ اُمّت! رضاؔ پہ لِلّٰہ ہو عنایت

اسے بھی ان خلعتوں سے حصہ جو خاص رَحمت کے واں بٹے تھے

ثنائے سرکار ہے وظیفہ قبولِ سرکار ہے تمنّا

نہ شاعری کی ہَوَس نہ پروا رَوِی تھی کیا کیسے قافیے تھے

حدائقِ بخشش،ص229

از امامِ اہلِ سنت امام احمد رضا خان عَلَیْہِ رَحمَۃُ الرَّحْمٰن

ٹھنڈی ٹھنڈی ہوا حَرَم کی ہے

ٹھنڈی ٹھنڈی ہوا حرم کی ہے

بارش اللہ کے کرم کی ہے

یا الٰہی! غمِ مدینہ دے

اِلتجا مصطفےٰ کے غم کی ہے

قلبِ مُضطَر کی لاج رکھ مولیٰ

یہ صدا میری چشمِ نَم کی ہے

آفتوں سے بچالے یااللہ

مجھ پہ یلغار رنج و غم کی ہے

بگڑی تقدیر ابھی سنور جائے

دیر اِک جُنْبِشِ قلم کی ہے

بخش دے اب تو مجھ کو یا اللہ

یہ دُعا تجھ سے چشمِ نم کی ہے

کاش ! ہر سال حج کرے عطّاؔر

عرض بدکار پر کرم کی ہے

وسائلِ بخشش (مُرَمَّم،)ص140

از شیخِ طریقت امیرِ اہلِ سنتدَامَتْ بَرَکاتُہُمُ الْعَالِیَہ