DONATE NOW donation

Home Al-Quran Surah Al Maarij Ayat 35 Translation Tafseer

رکوعاتہا 2
سورۃ ﴊ
اٰیاتہا 44

Tarteeb e Nuzool:(79) Tarteeb e Tilawat:(70) Mushtamil e Para:(29) Total Aayaat:(44)
Total Ruku:(2) Total Words:(241) Total Letters:(957)
34-35

وَ الَّذِیْنَ هُمْ عَلٰى صَلَاتِهِمْ یُحَافِظُوْنَؕ(۳۴)اُولٰٓىٕكَ فِیْ جَنّٰتٍ مُّكْرَمُوْنَ(۳۵)ﮒ
ترجمہ: کنزالعرفان
اور وہ جو اپنی نماز کی حفاظت کرتے ہیں ۔یہ لوگ وہ ہیں جن کی (جنت کے) باغوں میں عزت کی جائے گی۔


تفسیر: ‎صراط الجنان

{وَ الَّذِیْنَ هُمْ عَلٰى صَلَاتِهِمْ یُحَافِظُوْنَ: اور وہ جو اپنی نماز کی حفاظت کرتے ہیں ۔} اس آیت میں  آٹھواں  وصف بیان کیاگیا کہ (ان لوگوں  میں  حرص اور بے صبری نہیں  پائی جاتی) جو اپنی نماز کی حفاظت کرتے ہیں ۔ یہاں  نماز کا دوبارہ ذکر اس بات کو ظاہر کرنے کے لئے فرمایا گیا ہے کہ نماز بہت اہم ہے یا اس لئے دوبارہ ذکر کیا گیا کہ ایک جگہ فرائض مراد ہیں  اور دوسری جگہ نوافل مراد ہیں ۔بعض مفسرین نے فرمایا کہ اس سے پہلی آیت میں  دوام سے ہمیشہ نماز پڑھنا اوراس کے وقت میں  پڑھنا مراد ہے اور یہاں  نماز کی حفاظت کرنے کا بیان ہے اور حفاظت سے مراد یہ ہے کہ وہ نماز کے ارکان، واجبات ، سنتوں  اور مُستحبات کو کامل طور پر ادا کرتے ہیں ۔( تفسیر کبیر، المعارج، تحت الآیۃ: ۳۴، ۱۰ / ۶۴۶، مدارک، المعارج، تحت الآیۃ: ۳۴، ص۱۲۸۰، ملتقطاً)

{ اُولٰٓىٕكَ: یہ لوگ وہ ہیں ۔} یعنی جن لوگوں  میں  یہ اوصاف پائے جاتے ہیں  یہ وہ لوگ ہیں  جن کی جنت کے باغوں  میں  اَبدی ثواب اور سَرمَدی جزا کے ذریعے عزت کی جائے گی۔( مدارک، المعارج، تحت الآیۃ: ۳۵، ص۱۲۸۰، روح البیان، المعارج، تحت الآیۃ: ۳۵، ۱۰ / ۱۶۸، ملتقطاً)

Reading Option

Ayat

Translation

Tafseer

Fonts Setting

Download Surah

Related Links