دِل میں دُشمنی چھپانے) والے کے عِلاوہ سب بندوں کو بخش دیتا ہے۔^([1])  

کِشْتِ اُمِّیْد پہ ہے فَضْلِ خُدا آج کی رات    ہر طرف چھائی ہے رحمت کی گھٹا آج کی رات

کس قدر جوش پہ ہے حق کی عطا آج کی رات پائیں گے سارے طلب سے بھی سِوا آج کی رات

سجد ۂ محبوب پر لاکھوں سلام

پیارے اسلامی بھائیو! اِیمان افروز روایت جو ہم نے سُنی، اس میں سیکھنے کو بہت کچھ ہے مگر میں جس طرف تَوَجُّہ دِلانا چاہتا ہوں، وہ محبوبِ ذیشان، مکی مَدَنی سلطان  صَلَّی اللہ عَلَیْہِ وَ آلِہٖ وَ سَلَّم  کا مبارَک اور پیارا پیارا سجدہ ہے، آپ غور فرمائیے! یہ کیسا باکمال سجدہ ہے، اس سجدے کی جو کیفیت سیدہ عائشہ صِدِّیقہ  رَضِیَ اللہ عنہا  نے بیان کی، فرمایا: كَالثَّوْبِ السَّاقِطِ  گویا کہ زمین پر رکھا ہوا کپڑا ہو۔

یعنی محبوب  صَلَّی اللہ عَلَیْہِ وَ آلِہٖ وَ سَلَّم  اپنے رَبّ کے حُضُور اِظْہارِ بندگی فرما رہے ہیں، آپ کمال وارفتگی میں تھے،  حالت مبارَک یہ تھی کہ دُنیا  اور جو اِس میں ہے اُس سے بالکل بےنیاز، اپنے رَبّ کے حُضُور انتہائی عاجزی کے ساتھ حاضِر تھے، کوئی رکھ رکھاؤ نہیں، کوئی اہتمام نہیں، بَس مکمل سپردگی تھی، آپ کا صِرْف جسم پاک ہی سجدے میں نہیں تھا بلکہ سَر، دِماغ، دِل، خیال، سوچ سب کچھ اللہ پاک کے حُضُور سجدہ رَیز تھے۔

سُبْحٰنَ اللہ!یہ کیساعظیم سجدہ تھا...!! ہم اَلحمدُ للہ! مسلمان ہیں، اللہ پاک کے حُضُور سجدےکرتے ہیں مگر ہمارے سجدوں میں بھی رکھ رکھاؤ ہوتا ہے، لوگ سجدہ کرتے وقت بھی کپڑوں کا  لحاظ کرتے ہیں کہ کہیں کپڑوں میں سَلْوَٹ نہ پڑجائے، ماتھا جس جگہ رکھنا ہے، وہ جگہ صاف ہو تاکہ پیشانی پر مٹی نہ لگ جائے اور سجدہ کتنا سا کرتے ہیں؟ بَس جلدی