Bakhshish Se Mehroom Log

میں رکھ کر دُعائیں کیں، اس سے ہمیں سبق ملا کہ حالتِ سجدہ میں دُعا کرنی چاہیے۔

یاد رکھیے! فرض نمازوں کے سجدے میں دُعا نہیں مانگ سکتے، اس کے عِلاوہ سجدۂ شکر کریں، نفل نمازیں پڑھتے ہوں، اس وقت سجدے میں دُعائیں کرنی چاہئیں۔^{(^[1])} حدیثِ پاک میں ہے: بندہ سجدے کی حالت میں اپنے ربِّ کریم سے بہت زیادہ قریب ہوتا ہے، اِس لیے تم سجدے میں بکثرت (یعنی زیادہ)دُعا کیا کرو۔^{(^[2])}

مغفرت پانے کا نسخہ

حضرت ابوسعید خُدْری رَضِیَ اللہ عنہ فرماتے ہیں :جو بندہ حالتِ سجدہ میں 3 مرتبہ یہ کہے : یَارَبِّ اغْفِرْلِی، یَارَبِّ اغْفِرْلِی، یَارَبِّ اغْفِرْلِی (اے اللہ پاک! میری بخشش فرما، یا اللہ پاک! مجھے بخش دے، اے رَبِّ کریم! میری مغفرت فرما) جب وہ اپنا سر اٹھائے گا تو اُس کی مغفرت یعنی بخشش ہوچکی ہوگی۔ ^{(^[3])}

لوگوں سے توجہ ہٹ جائے دُنیا سے رشتہ کٹ جائے

ماتھے کو زمیں پر رکھنا ہے مصروف زباں ہو حمد و ثنا

سجدے میں شکرِ مولیٰ ہے سجدے میں ذِکْرِ مولیٰ ہے

توبہ کر کے مانگو اِک دِن رَدّ ہوتی نہیں سجدے کی دُعا

اللہ پاک ہمیں سجدوں کی لذّت نصیب فرمائے، سجدوں میں دُعائیں مانگنے کی توفیق نصیب فرمائے۔

اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم

[1]...الدر المختار، کتاب الصلاۃ، باب صفۃ الصلاۃ، صفحہ:69-70 بتغیر قلیل۔

[2]... مسلم، کتاب الصلاۃ، باب ما یقال فی الرکوع والسجود، صفحہ:183، حدیث:482۔

[3]... مصنف ابن ابی شیبہ، کتاب الدعاء، ما رخص للرجل یدعو بہ...الخ، جلد:7، صفحہ:33، حدیث:3۔

Important

Mobile Apps

Contact Us