Bakhshish Se Mehroom Log

پیارے اسلامی بھائیو! اندازہ لگائیے! شبِ براءَت کو کتنی کثرت سے لوگوں کو بخش دیا جاتا ہے مگر افسوس! اس بدنصیب کی بدنصیبی کا اندازہ کون کر سکتا ہے جو اس مبارَک رات بھی بخشش سے مَحْرُوم رہ جائے۔

احادیثِ کریمہ کے مُطَابِق 7 قسم کے لوگ ہیں جو اِس رات بھی بخشش سے مَحْرُوم رہتے ہیں: (1):مُشْرِک⁽^{^[1]}⁾(2):شراب کا عادی(3):ماں باپ کا نافرمان (4):زِناکا عادی (5):رشتے توڑنے والا (6):تصویر بنانے والا (7):اور چغل خور۔⁽^{^[2]}⁾

بعض روایات کے مُطَابِق * کاہِن (یعنی نجومی) * جادُو گر * تکبر کے ساتھ پاجامہ یا تہبند ٹخنوں سے نیچے لٹکانے والے * مسلمان سے بلا اجازتِ شرعی بغض وکینہ رکھنے (یعنی دِل میں دُشمنی چھپانے) والے بھی اس رات مغفرت کی سَعَادت سے محروم رہتے ہیں۔⁽^{^[3]}⁾

پیارے اسلامی بھائیو! یہ کُل 11 قسم کے لوگ ہیں جو شبِ براءَت میں بھی بخشش سے مَحروم رہتے ہیں۔ اندازہ کیجیے! ان کی جب شبِ براءَت میں بھی بخشش نہیں ہوتی تو پِھر کب ہو سکے گی...؟ لہٰذا ہمیں چاہیے کہ ہم اپنا جائِزہ لیں، اپنے گریبان میں جھانکیں، ان 11 بُرائیوں میں سے ایک بھی بُرائی اگر ہمارے اندر موجود ہو تو شبِ براءَت آنے سے پہلے پہلے توبہ کریں اور ان بُرائیوں سے پاک ہو جائیں تاکہ بخشش کے حقدار بن سکیں۔

[1]...شعب الایمان، کتاب الصیام، فصل ماجاء فی لیلۃ نصف من شعبان، جلد:3، صفحہ:385، حدیث:3838۔

[2]...فضائلُ الْاَوقات للبیہقی، صفحہ:130 حدیث:27۔

[3]...آقا کا مہینا، صفحہ:11۔

Important

Mobile Apps

Contact Us