Bakhshish Se Mehroom Log

Al Quran Books Madani Channel

Magazine Courses Media

عادَت۔ یہ بھی گُنَاہِ کبیرہ، حرام اور جہنّم میں لے جانے والا کام ہے۔

حضرت عبداللہ بن عَمَرو بن عاص رَضِیَ اللہ عنہ فرماتے ہیں کہ میں نے اللہ پاک کے پیارے حبیب صَلَّی اللہ عَلَیْہِ وَ آلِہٖ وَ سَلَّم سے شراب کے مُتَعَلِّق پوچھا تو آپ نے ارشاد فرمایا: یہ سب سے بڑا گناہ اور تمام برائیوں کی جڑہے ، شراب پینے والا نماز چھوڑ دیتا ہے اور (بعض اوقات) اپنی ماں ، خالہ اورپھوپھی تک سے بدکاری کا مُرْتکِبْ ہو جاتا ہے۔ ^{(^[1])}

پیارے اسلامی بھائیو! شراب کو اُمُّ الْخَبَائِث یعنی بیماریوں کی ماں کہا گیا ہے، افسوس! یہ برائی مُعَاشرے میں عام ہو رہی ہے، کوئی فنکشن ہو، پارٹیاں ہوں، عید تہوار ہوں، دوستوں کی بیٹھک ہو تو اب شراب اور دوسری نشہ آوَر چیزیں فیشن بنتی چلی جا رہی ہیں۔

اَلحمدُ للہ! عمومی طور ہمارے مُعَاشرے میں اب بھی شراب کو بُرا ہی سمجھا جاتا ہے، البتہ! چھپ چھپا کر یا سَرِ عام اس کا رواج ہوتے جانا بہت ہی خطرناک ہے۔ شراب طبّی لحاظ سے بھی انتہائی نقصان دہ ہے، روحانی طور پر بھی اور معاشرے میں بھی بہت ساری بُرائیاں پھیل جانے کا سبب بنتی ہے۔ اس لیے شراب اور اس جیسی دوسری نشہ آوَر چیزوں سے ہمیشہ دُور رہنا چاہیے۔

(3):ماں باپ کی نافرمانی

شبِ براءَت جو مغفرت کی رات ہے، اس رات میں جیسے شرابی کی بخشش نہیں ہوتی، ماں باپ کے نافرمان کی بھی بخشش نہیں ہوتی، یہ دونوں کتنے بڑے جُرْم ہیں، اس تَعَلُّق سے ایک عبرتناک واقعہ سنیے!

[1]...مجمع الزوائد، کتاب الاشربۃ، باب ما جاء فی الخمر...الخ، جلد:5، صفحہ:73، ھدیث:8174۔

Important

Mobile Apps

Contact Us