Bakhshish Se Mehroom Log

Al Quran Books Madani Channel

Magazine Courses Media

براءَت میں 100 رکعت نماز اس طرح ادا کرتے تھے کہ ہر رکعت میں سورۂ فاتحہ کے بعد 10 مرتبہ سُورۂ اِخْلاص (قُل ھُوَاللّٰہُ اَحَد) پڑھتے۔ امام حَسَن بصری رَحمۃُ اللہ عَلَیْہ فرماتے ہیں: مجھے 30 صحابۂ کرام رِضْوَانُ اللہ علیہم نے حدیث بیان فرمائی کہ جس نے یہ نماز پڑھی، اللہ پاک اس کی طرف 70 مرتبہ نگاہِ کرم فرماتا ہے اور ہر نگاہِ کرم کے بدلے اس کی 70 حاجات پُوری فرماتا ہے، ان میں سے ایک حاجت یہ ہے کہ اس بندے کی مغفرت کر دی جاتی ہے۔^{(^[1])}

یاخُدا! میری مغفرت فرما باغِ فِردوس مرحمت فرما

تُو گُنَاہوں کو کر معاف اللہ! میری مقبول معذرت فرما

14 اور 15 شَعْبَان کے روزے کی ترغیب

پیارے اسلامی بھائیو! 14 شَعْبَان شریف کے دن ہو سکے تو روزہ رکھ لیجیے کہ یہ دن نامۂ اعمال کی تبدیلی کا دن ہے ، لہٰذا جب نامۂ اعمال اللہ پاک کی بارگاہ میں پیش ہوں تو بندہ روزہ دار ہو۔ پیارے آقا، مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم بھی اس بات کو پسند فرماتے تھے۔روایت میں ہے:اللہ پاک کے آخری نبی، مکی مَدَنی صَلَّی اللہ عَلَیْہِ وَ آلِہٖ وَ سَلَّم فرماتے ہیں کہ (اِس دن کہ جب عمل اللہ پاک کی بارگاہ میں پیش ہونے ہیں تو)مجھے یہ مَحْبُوب ہے کہ میرا عمل اِس حال میں اُٹھایا جائے کہ میں روزہ دار ہوں۔⁽^{^[2]}⁾

کوشش فرمائیے کہ شب براءت عبادتِ الٰہی میں گزرے اور 15 شَعْبَان کا روزہ بھی رکھ لیجیے۔ ہمارے پیارے آقا،مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم نے فرمایا:جب شَعْبَان کی درمیانی (یعنی 15 وِیں) رات آئے تو اس رات قیام (یعنی عِبَادت) کرو، دِن کو روزہ رکھو۔⁽^{^[3]}⁾

[1]...طہارۃ القلوب، صفحہ:136۔

[2]...نسائی، کتاب الصیام، باب صوم النبی صَلَّی اللہُ عَلَیْہِ وَ آلِہٖ وَ سَلَّم...الخ، صفحہ:387، حدیث:2354 ۔

[3]...ابن ماجہ، کتاب اقامۃ الصلاۃ و السنۃ فیہا، باب ماجاء فی لیلۃ ...الخ، صفحہ:225، حدیث:1388۔

Important

Mobile Apps

Contact Us