نیکی ملے گی۔ یہ ثواب تو خالی ہاتھ پھیرنے کا ہے جو اس پر مال خرچ کرے، اُس کی خدمت کرے،اُسے تعلیم و تربیت دے سوچ لو کہ اُس کا ثواب کتنا ہو گا۔^([1])

دِل کی نرمی کا ایک نسخہ

پیارے اسلامی بھائیو! یتیم کے سر پر ہاتھ پھیرنے سے نیکیوں کے حصول کے ساتھ ساتھ دِل کی سختی دُور ہوتی اور حاجتیں بھی پوری ہوتی ہیں جیسا کہ حضرت ابو دَرداء رَضِیَ اللہ عنہ سے روایت ہے کہ ایک شخص نے دو عالَم کے مالک و مختار،مکی مَدَنی سردار  صَلَّی اللہ عَلَیْہِ وَ آلِہٖ وَسَلَّم  کی بارگاہِ عظیم میں حاضِر ہو کر اپنے دل کی سختی کی شکایت کی تو آپ  صَلَّی اللہ عَلَیْہِ وَ آلِہٖ وَسَلَّم  نے فرمایا:کیا تُو چاہتا ہے کہ تیرا دِل نرم ہو جائے اور تیری حاجتیں پُوری ہوں ؟ *تو یتیم پر رحم کیا کر  *اُس کے سر پر ہاتھ پھیرا کر اور *اپنے کھانے میں سے اُس کو کِھلایا کر ایسا کرنے سے تیرا دل نرم ہو گا اور حاجتیں پوری ہوں گی۔^([2])

جب بھی کسی یتیم بچے کے سر پر ہاتھ پھیرنا ہو تو سر کے پیچھے سے ہاتھ پھیرتے ہوئے آگے کی طرف لے آئیے جیسا کہ حدیثِ پاک میں ہے:لڑکا یتیم ہو تو اس کے سر پر ہاتھ پھیرنے میں آگے کو لائے اور جب اس کا باپ ہو (یعنی بچہ یتیم نہ ہو) تو ہاتھ پھیرنے میں گردن کی طرف لے جائے۔^([3])

(2):نَماز کو اہمیت نہ دینا

پیارے اسلامی بھائیو! سُوْرَۂ ماعُون میں قیامت کا اِنْکار کرنے والوں کا دوسرا عیب بیان