رِیاکاریوں سے بچا یاالٰہی!                  بنا مجھ کو مُخلِص بنا یاالٰہی!

*-*-*-*

مِرا ہر عمل بس ترے واسطے ہو          کر اِخلاص ایسا عطا یاالٰہی!

عبادت میں گزرے مِری زندگانی        کرم     ہو      کرم       یاخُدا!       یاالٰہی!^([1])

صَلُّوا عَلَی الْحَبیب!                                               صَلَّی اللہ عَلٰی مُحَمَّد

ریاکاری کا دردناک عذاب

حدیثِ پاک میں ہے:بے شک جہنّم میں ایک وادی ہے جس سے جہنّم روزانہ 4سو مرتبہ پناہ مانگتا ہے، اللہ پاک نے یہ وادی اُمّتِ محمدیہ کے اُن رِیاکاروں کے لیے تیّار کی ہے *  جو قرآنِ کریم کے حافِظ* غیرُ اللہ (مثلاً:دِکھلاوے اور اپنی واہ واہ )کے لیے صَدَقہ کرنے والے* اللہ پاک کے گھر کے حاجی اور* راہ ِخدا میں نکلنے والے ہوں گے۔^([2])

بچا لے رِیا سے بچا یاالٰہی!                  تُو اِخلاص کر دے عطا یاالٰہی!

ریاکاری کی تباہ کاریوں سے مُتَعلِّق تفصیلی مَعْلُومات اور اُس کے عِلاج جاننے کے لیے شیخِ طریقت، امیرِ اہلسنت دَامَتْ بَرَکاتُہمُ العالیہ کی کتاب نیکی کی دعوت صفحہ:63 تا106پڑھ لیجیے! اللہ پاک ہمیں ریاکاری کی آفت سے بچنے، ہر نیک کام صِرْف و صِرْف اللہ پاک کی رضا کے لیے کرنے کی توفیق عطا فرمائے۔

اٰمِیْنبِجَاہِ خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَسَلَّم ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد