نور فرمائي:

وَ اَمَّا الَّذِیْنَ سُعِدُوْا فَفِی الْجَنَّةِ خٰلِدِیْنَ فِیْهَا (پارہ:12، سورۀ ہود:108)

[مفهوم] ترجمهٴ کنزُ العِرفان: او څوک چې خوش قِسمته وي هغوئي به پۀ جَنَّت کښې وي، هميشه به پۀ هغې کښې اوسيږي۔

 مطلب دا چې د قيامت پۀ ورځ به د حضرت آدم عَلَیْهِ السَّلَام نه واخله د قيامته پورې راتلونکي ټول خلق راجمع کولے شي، د هغوئي به دوه ډلې وي * يو هٰغه کوم چې شقي دي * دويم هٰغه کوم چې سَعِيد دي۔ پۀ چا باندې چې بد بختي غالبه شوه او د هغوئي د پاره د دوزخ فيصله اوکړے شوه نو هغوئي به پۀ دوزخ کښې اوسيږي او پۀ دوزخ کښې به د هغوئي حال دا وي چې هغوئي به د خَر پۀ شان هڼيږي۔ ^([1])

 او کوم چې سعادت مند وي، هغوئي به د هميشه هميشه د پاره پۀ جَنَّت کښې اوسيږي او بعضې به هٰغه ګنهګاران وي کوم چې به د خپلو ګناهونو پۀ وجه د څۀ مودې پورې پۀ دوزخ کښې وي، بيا به هغوئي جَنَّت ته داخِل کړے شي۔ دا د الله پاک عطا ده، د هغۀ کرم او رحمت دے کوم چې به چرې هم نۀ ختميږي۔ ^([2])

د سعادت مند نخښې

خوږو او محترمو اِسلامي وروڼو! معلومه شوه چې د قيامت پۀ ورځ به هم دوه حالتونه وي، يا خو به د الله پاک پۀ رحمت سره جَنَّت نصيب کيږي او يا به دوزخ ځائے وي۔

الله پاک دې مونږ د دوزخ نه بچ کړي، د سوچ خبره ده چې مونږ پۀ کومه يوه ډله کښې يو؟ آيا زۀ پۀ هغوئي کښې يم کومو ته چې پۀ کتلو به حضرت آدم عَلَیْهِ السَّلَام مُسکے کيدلو يا پۀ