دعوتِ اِسلامي د زير نګرانۍ پۀ ټوله دنيا کښې پۀ زرګونو ځايونو کښې اجتماعي اِعتکاف هم کولے شي، تاسو هم کوشش اوکړئ چې د روژې د ټولې مياشتې د اِعتکاف سعادت حاصل کړئ! بلکې پۀ عالمي مَدَني مرکز فيضانِ مدينه (کراچۍ) کښې اِعتکاف اوکړئ! چې هلته به مو د شيخِ طريقت، اميرِ اهلِسُنَّت مولانا محمد الياس قادري دَامَتْ بَرَکَاتُہُمُ الْعَالِیَه د وخت د يو کامِلي وَلي سره د اِعتکاف کولو سعادت نصيب شي نو د دې برکتونه به هُم جدا وي۔ اِنْ شَآءَ اللہُ الْکَرِیم! پۀ رَمَـضَانُ الـمُبَارَک شريف کښې به د ګناهونو نه د بچ کيدو، د نيکو کولو، د نفل عبادتونو شوق زياتيدو سره سره ډير عِلمِ دِين هم زده کړئ۔ راځئ چې د ترغيب د پاره د اِجتماعي اِعتکاف يو مَدَني سپرلے واورو:

د ګناهونو نه پۀ ډک ژوند کښې يـې سپرلے راغلو

د ډيره الله يار (صوبه بلوچستان، پاکستان) د يو اِسلامي ورور د بيان خلاصه ده: زۀ مخکښې د ګناهونو پۀ ډنډه کښې انښتے ووم، فلمونه کتل او بد نظري وغيره زما د خوښې کارونه وو، يو ځل د يو عاشقِ رسول اِسلامي ورور سره زما ملاقات وشو، هغوئي د محبت نه پۀ ډک انداز کښې ما له پۀ اِجتماعي سُنّت اِعتکاف کښې د شرکت کولو دعوت راکړو، د هغوئي د حکمت نه ډک او ښکلے انداز چې مې وليدلو نو زما پۀ زړۀ اثر وشو او زۀ د رَمَـضَانُ الـمُبَارَک شريف پۀ اِجتماعي اِعتکاف کښې د شرکت کولو د پاره فيضانِ مدينه ته لاړم۔ پۀ اِعتکاف کښې د مبلغينو اِسلامي وروڼو د سنتو نه ډکو بيانونو، زړۀ راښکونکو مناجاتو او ژړيدونکو دُعاګانو زما د زړۀ دنيا بدله کړه، ما د تيرو ګناهونو نه توبه کړه او د دعوتِ اِسلامي پاک ديني ماحول ته راغلم، د دې پۀ برکت زما پۀ کردار او خبرو کښې مثبت بدلون راغلو، ما عمامه شريف هم پۀ سر کړه، د سُنّت مطابق مې ږيره مبارکه هم پريښودله او اَلْحَمْدُ لِلّٰہ! د نـمونځونو پابندي مې هم شروع کړه۔

آئیں گی سُنتیں، جائیں گی شامتیں          مدنی ماحول میں کر لو تم اِعتکاف