عرض اوکړے شو: يَا رَبِّ!كَيْفَ يَكُونُ ذٰلِكَ؟ يعنې اے ربه! دا به څنګه کيږي؟ اوئې فرمائيل: اِجْعَلْ نَوْمَكَ صَلَاةً، وَاجْعَلْ طَعَامَكَ الْجُوعَ يعنې اے محبوبه صَلَّى اللهُ عَلَيْهِ وَاٰلِهٖ وَسَلَّم ! د خپل خوب پۀ ځائے نـمونځ او د خوراک پۀ ځائے لوږه وساتئ! ^([1])

سُبْحٰنَ اللہ! معلومه شوه چې د شپې خوب قربانول او د څۀ وخته پورې نـمونځ کول او د ورځې روژه نيول او لوږه برداشت کول د الله پاک د قرب حاصلولو بهترينه طريقه ده۔

د شپې د نـمونځ فضيلتونه

(1): حضرتِ ابو هُریرہ رَضِىَ اللهُ عَـنْهُ فرمائي چې ما عرض اوکړو: يَا رسولَ الله صَلَّى اللهُ عَلَيْهِ وَاٰلِهٖ وَسَلَّم! ما د هٰغه څيز نه خبر کړئ د څه پۀ اختيارولو چې زۀ جَنَّت بياموم۔ اوئې فرمائيل: پۀ خلقو باندې خوراک کوه او سلام عام  کړه او صِله رحمي کوه او د شپې چې کله خلق اودۀ وي نو (نفلي) نـمونځ کوه، تۀ به پۀ سلامتۍ سره جَنَّت ته داخِل شې۔ ^([2]) (2): د اللہ پاک اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ جَنَّت کښې داسې بالا خانې دي، د کومو بهر چې د دننه او دننه د بهر نه ليدلے کيږي۔ يو اَعرابي عرض اوکړو: يَا رسولَ الله صَلَّى اللهُ عَلَيْهِ وَاٰلِهٖ وَسَلَّم ! دا د چا د پاره دي؟ نو نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: دا د هغه چا د پاره دي څوک چې نرمې خبرې (Soft Communication) کوي، پۀ خلقو باندې خوراک کوي، پرله پسې روژې نيسي او د شپې چې کله خلق اودۀ وي نو راپاڅي او د الله پاک د پاره نـمونځ کوي۔ ^([3])

نـمونځ او د مِعراج ياد

خوږو او محترمو اسلامي وروڼو! نـمونځ د مِعراج ډالۍ هم ده، د مؤمن پۀ حق کښې مِعراج