د بيان اوريدلو  نيتونه

پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ^([1])

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښه ښه نِيَّتونه اوكړو: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښه پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔

صَلُّوا عَلَی الْحَبیب!                                                                   صَلَّی اللّٰہُ عَلٰی مُحَمَّد

خوږو او محترمو اِسلامي وروڼو! نن د رجب شريف اوؤيشتمه [27] شپه ده، دا هٰغه مبارکه شپه ده * پۀ کومه شپه چې جَنَّت ښکلے کړے شو * پۀ عرش کښې خوشحالۍ وې        * پۀ زمکه انوار راوريدل * هُم پۀ ننۍ شپه حورې او غِلمان او فرښتے زما د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د هرکلي د پاره پۀ صفتونو کښې ودريدل * الله پاک پۀ خپل حبيب، امام الانبيا صَلَّى اللهُ عَلَيْهِ وَاٰلِهٖ وَسَلَّم باندې د عرش او کرسۍ سيل اوکړو، جَنَّت يـې ورته وښودو او مَاشَآءَ اللہ! سَدره او لامکان، بيا يـې د هٰغه ځائے نه هم مخکښې خاص قرب ته وبللو، د کلام کولو سعادت يـې ورعطا کړو او سُبْحٰنَ اللہ! پۀ محبوب مصطفٰے، سردارِ انبيا صَلَّى اللهُ عَلَيْهِ وَاٰلِهٖ وَسَلَّم باندې يـې عين د بيدارۍ پۀ حالت کښې، د سر پۀ سترګو خپل ديدار هم اوکړو۔

ہیں صَفْ آراء سب حُور  و ملک اور غِلماں خُلد سجاتے ہیں

اِک دُھوم ہے عرشِ اعظم پر مہمان خدا کے آتے ہیں

ہے آج فلک روشن روشن، ہیں تارے بھی جگمگ جگمگ