راځئ چې مونږ هم دا دُعا ولولو:

اَللَّهُمَّ بَارِكْ ‌لَنَا ‌فِي ‌رَجَبٍ ‌وَّشَعْبَانَ، ‌وَبَلِّغْنَا رَمَضَانَ

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

صَلُّوا عَلَی الْحَبیب!                                                                   صَلَّی اللّٰہُ عَلٰی مُحَمَّد

په قافلو کښې د سَفَر کولو ترغيب

خوږو او محترمو اِسلامي وروڼو! اَلْحَمْدُ لِلّٰہ! د خوش قِسمته اِسلامي وروڼو او نورو عاشقانِ رسول يوه شميره د ځان او د ټولې دُنيا د خلقو د اِصلاح د کوشش د مقدسې جذبې لاندې سفر کوي۔ هسې خو دا ډير ګران کار دے خو ياد ساتئ چې د نيکۍ دعوت ورکول او پۀ دې لاره کښې سخته برداشت کول د انبيائے کرامو علَيهِمُ السَّلام سُنَّت دي * انبيائے کرام علَيهِمُ السَّلام * صحابۀ کرام رَضِىَ اللهُ عَـنْهُم * نيکان خلق به د نيکۍ د عوت ورکولو د پاره د کورونو نه وتل * لرو لرو علاقو ته به تلل * هجرت به يـې کولو او * سخته به يـې تيروله او د دِين پيغام به يـې عام کولو * د مخکښينو خلقو پۀ قربانو باندې دا دِين مونږ ته رارسيدلے دے۔

تاسو هم په مَدَني قافله کښې سفر کوئ! اِنْ شَآءَ اللہُ الْکَرِیم! ډير برکتونه به مو نصيب شي * په مَدَني قافله کښې فرض عِلمِ دِين ښودلے کيږي * سُنَّت ښودلے کيږي * د تهجدو کولو سعادت نصيب کيږي * د نيکۍ د دعوت عام کولو موقع ميلاويږي * د قافلې په برکت سره د مُرادونو د پوره کيدو، * د مشکلاتو لرې کيدو * د بيمارو نه د شفا نصيب کيدو هم ډير واقعات دي * داسې هم شوي دي چې په مَدَني قافله کښې د سفر کوونکو عاشقانِ رسول د ډاډګيرنې د پاره خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم کرم فرمائيلے دے، په خوب کښې يـې تشريف راوړے دے او په قافله کښې برخه اخستونکو له يـې ديدار ورکړے دے۔