محبوب خُدا کے آتے ہیں، محبوب خُدا کے آتے ہیں

ہے خُلْد کا جوڑا زیبِ بدن، رَحْمت کا سجا سہرا سَر پر

کیا خوب سُہانا ہے منظر، معراج کو دولہا جاتے ہیں^([1])

د دُنيا د ټولو نه اوږد۔۔۔! خو د ټولو نه مختصر سفر

خوږو او محترمو اِسلامي وروڼو! زمونږه او ستاسو د خوږ آقا و مولا، مکي مَدَني مصطفٰے          صَلَّى اللهُ عَلَيْهِ وَاٰلِهٖ وَسَلَّم د معراج سفر د دُنيا د ټولو نه اوږد او ډير مختصر سفر دے۔ دا مبارک سفر اوږد خو دومره دے چې نبي کريم صَلَّى اللهُ عَلَيْهِ وَاٰلِهٖ وَسَلَّم * د مکے مکرمې نه روان شو * مسجدِ اقصیٰ ته يـې تشريف يوړلو * بيا د هٰغه ځائے نه وړومبي اسمان ته * بيا دويم * دريم * څلورم* پينځم* شپږم * او اوؤم اسمان ته لاړو، د هلته نه يـې سِدرَةُ المُنتهیٰ ته تشريف يوړلو* بيا د هٰغه ځائے مقامِ مُستویٰ* بيا عرشِ عُلیٰ* بيا يـې د هٰغه ځائے نه مقامِ دَنیٰ (يعنې لامکان) ته تشريف يوړلو۔ دا پۀ لکونو کلوميټره سفر دے۔ بلکې د اسمانونو چې کوم سفر دے، پۀ سائنس کښې د دې پيمائش د رڼا پۀ رفتار سره کيږي۔ د سائنسي تحقيق مطابق دا وخت پۀ کائنات کښې د ټولو نه زيات رفتار د رڼا دے۔ رڼا پۀ يو سيکنډ کښې 3 لاکهه کلوميټره مزل کوي او د نمر د رڼا زمکې ته پۀ رارسيدو کښې 8.3 منټه لګي، يعنې د نمر نه د زمکې پورې فاصله 14 کروړه 94 لاکهه کلوميټره ده، بيا نمر هم د وړومبي اسمان نه ډير ښکته دے، اعلیٰ حضرت، امامِ اهلِسُنَّت امام احمد رضا خان رَحْمَةُ اللهِ عَلَيْه فرمائي: * د زمکې نه د سِدرَةُ المُنتهیٰ فاصله د 50 زره کاله پۀ مزل ده * د دې نه پس مُستَویٰ * د هغې نه پس الله پاک ته معلومه ده * د هغې نه پس د عرش 70 حجابونه دي * د هر يو حجاب نه د بَل حجابه پورې 500 کاله فاصله ده۔ ^([2]) دا ټوله 35