Book Name:Aadab e Zikr e Rasool صلی اللہ تعالی علیہ وسلم
شاخیں ہیں، جبکہ پیارے آقا صَلَّی اللہ عَلَیْہِ وَ آلِہٖ وَ سَلَّم کی غلامی اس شجر کی جڑ ہے۔
اللہ پاک ہمیں پیارے آقا، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی خُوب خُوب تعظیم کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم ۔
صَلُّوا عَلَی الْحَبیب! صَلَّی اللّٰہُ عَلٰی مُحَمَّد
آئیے! آیتِ کریمہ سیکھنے، سمجھنے کی کوشش کرتے ہیں:
آیتِ کریمہ کی مُخْتصَر وضاحت
آیتِ کریمہ کے مختلف شانِ نُزول ہیں، سب کا مَضْمُون اور مَفْہُوم تقریباً ایک ہی ہے۔ مُعَاملہ یہ تھا کہ پیارے آقا، مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم جب صحابۂ کرام علیہمُ الرّضوان کے ساتھ گفتگو فرماتے تو بعض دفعہ کوئی بات کسی صحابی رَضِیَ اللہ عنہ کو سمجھ نہ آتی، مشکل ہو جاتی تو صحابہ نہایت ادب سے عرض کرتے: رَاعِنَا یَارَسُوْلَ اللہ صَلَّی اللہ عَلَیْہِ وَ آلِہٖ وَ سَلَّم ! یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! ہماری رِعَایَت فرمائیے!([1])
یعنی آپ کی تو شان وَرَاءُ الْوَراء ہے، آپ کے کلامِ پاک میں تو کسی قسم کی کچھ کمی نہیں ہے، یہ کلامِ ذیشان تو سراپا حکمت و عظمت ہے مگر اے پیارے مَحْبوب صَلَّی اللہ عَلَیْہِ وَ آلِہٖ وَ سَلَّم ! ہمارے ذِہن اِس اِرْشادِ پاک کو سمجھنے میں کمزور رَہ گئے، ہماری سمجھ کی رِعَایَت فرماتے ہوئے یہ بات مزید سمجھا دیجیے!
دیکھیے! یہ کتنے ادب والی بات ہے مگر یہودی جو تھے، وہ صحابۂ کرام علیہمُ الرّضوان کے