77مرتبہ بیداری میں دیدارِ مصطفےٰ   صَلَّی  اللہ  عَلَیْہِ وَ آلِہٖ وَ سَلَّم   

پیارے اسلامی بھائیو!امام جلالُ الدِّیْن سُیُوطِی شافعی  رحمۃُ اللہ  ِعَلَیْہ  پر  اللہ  پاک کا بڑا کرم تھا،آپ کو بہت ساری خصوصی نعمتوں سے نوازا گیا تھا،ان میں سے ایک بہت بڑی نعمت  دِیدارِ مصطفےٰ   صَلَّی  اللہ  عَلَیْہِ وَ آلِہٖ وَ سَلَّم   بھی ہے۔جی ہاں!امام جلالُ الدِّیْن سُیُوطِی شافعی  رحمۃُ اللہ  ِعَلَیْہ  وہ بلند رُتبہ شخصیت ہیں،جنہیں خواب میں نہیں بلکہ جاگتے ہوئے 77 مرتبہ پیارے آقا، رسولِ خُدا،احمدِ مجتبیٰ   صَلَّی  اللہ  عَلَیْہِ وَاٰلِہٖ وَسَلَّم  کا دیدار نصیب ہوا۔^([1])

سُبْحٰنَ  اللہ !کیا شان ہے امام جلالُ الدِّیْن سُیُوطِی شافعی  رحمۃُ اللہ  ِعَلَیْہ کی...!! یقیناً خواب میں بھی دیدارِ مصطفےٰ   صَلَّی  اللہ  عَلَیْہِ وَ آلِہٖ وَ سَلَّم   نصیب ہو جانا کوئی معمولی بات نہیں ہے،بہت بڑا انعام ہے،یہ وہ انعام ہے کہ عاشِق اسے پانے کے لئے جان تک کی بازی لگانے کو تیار ہو جاتے ہیں۔

غرض دیدارِ مصطفےٰ وہ عظیم نعمت ہے جس کے لئے عُشّاق تڑپتے ہیں،آنسو بہاتے ہیں، روتے بلکتے ہیں مگر امام سُیُوطِی شافعی   رحمۃُ اللہ  علیہ   کی قسمت دیکھئے!آپ کو خواب میں نہیں بلکہ جاگتے ہوئے،عین بیداری میں دیدارِ مصطفےٰ   صَلَّی  اللہ  عَلَیْہِ وَ آلِہٖ وَ سَلَّم   کا شرف مِلا اور ایک بار نہیں، بار بار مِلا، 77 بار نصیب ہوا۔ 

صَلُّوْا عَلَی الْحَبِیْب!                                               صَلَّی  اللہ  عَلٰی مُحَمَّد

امام سُیُوطِی بھی! جنّتی...! جنّتی!!

امام جلالُ الدِّیْن سُیُوطِی   رحمۃُ اللہ  علیہ   فرماتے ہیں:ایک مرتبہ جب مجھے رسولِ ذیشان، مکی مدنی سلطان  صَلَّی  اللہ  عَلَیْہِ وَاٰلِہٖ وَسَلَّم  کی زیارت کا شرف مِلا تو میں نے عرض کیا:یا رسولَ  اللہ    صَلَّی