Book Name:Faizan e Imam Syuti رحمۃ اللہ علیہ
سُبْحٰنَ اللہ !پیارے اسلامی بھائیو!اندازہ لگائیے!یہ کتنی محنت کا کام ہے،حدیثیں، ان کے رَاوِیوں کے نام، پِھر ہر ہر راوی سے متعلق معلومات حاصِل کرنا، کون سا راوِی ضعیف ہے،کون سا صحیح ہے وغیرہ کی پرکھ کرنا، امام سُیُوطِی رحمۃُ اللہ علیہ کو ان ساری تفصیلات کے ساتھ 2 لاکھ حدیثیں زبانی یاد تھیں۔ امام سُیُوطِی رحمۃُ اللہ علیہ کو اس شوق اور محنت کا صلہ کیا ملا؟ سنیئے!
امام سُیُوطِی رَحمۃُ اللہ عَلَیْہ کی ایک کتاب ہے: جَمْعُ الْجَوامِعْ۔ اس کتاب میں امام سُیُوطِی رَحمۃُ اللہ عَلَیْہ نے پیارے آقا،مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی اَحَادِیث جمع فرمائی ہیں۔ امام سُیُوطِی رَحمۃُ اللہ عَلَیْہ فرماتے ہیں: ایک مرتبہ مجھے خواب میں پیارے نبی، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کی زیارت نصیب ہوئی تو میں نے اپنی کتاب جَمْعُ الْجَوامِعْ کا ذِکْر کیا اور عرض کیا:یا رسولَ اللہ صَلَّی اللہ عَلَیْہِ وَ آلِہٖ وَ سَلَّم ! کیا میں اس کتاب میں سے کچھ پڑھ کر سُناؤں؟ پیارے آقا، سردارِ انبیا صَلَّی اللہ عَلَیْہِ وَ آلِہٖ وَ سَلَّم نے فرمایا: سُناؤ! اے شَیْخُ الْحَدَیث...!
امام سُیُوطِی رَحمۃُ اللہ عَلَیْہ فرماتے ہیں: پیارے آقا، دوجہاں کے داتا صَلَّی اللہ عَلَیْہِ وَ آلِہٖ وَ سَلَّم کا مجھے شَیْخُ الْحَدَیث فرمانا یہ ایسی بشارت ہے جو میرے نزدیک دُنیا اور جو کچھ دُنیا میں ہے، اس سب سے بڑھ کرہے۔([1])
سُبْحٰنَ اللہ !کیا شان ہے امام سُیُوطی رَحمۃُ اللہ عَلَیْہ کی...!! اللہ پاک ہمیں بھی حدیثیں