Book Name:Daman Sakhi Ka Thaam Lo
پیارے اسلامی بھائیو! نَھَر کا معنیٰ ہوتا ہے: ڈانٹنا، جِھڑکنا۔ اللہ پاک نے اپنے مَحْبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ سے فرمایا:
وَ اَمَّا السَّآىٕلَ فَلَا تَنْهَرْؕ(۱۰) (پارہ:30، سورۂ وَالضُّحٰی: 10)
تَرجَمۂ کَنزالْعِرفَان: اور کسی بھی صُورت مانگنے والے کو نہ جھڑکو!
یعنی اے مَحْبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ ! کوئی بھی سُوالی آئے، اُسے ڈانٹنا نہیں ہے، جِھڑکنا نہیں ہے۔
بعض دفعہ ایسا ہوتا ہے نا کہ آدمی سُوالی کو دے بھی رہا ہوتا ہے، ساتھ ہی ڈانٹ بھی رہا ہوتا ہے، غُصَّہ بھی دِکھا رہا ہوتا ہے، مثلاً کوئی سُوالی روز ہی آجاتا ہے، اب عموماً لوگوں کا اَنداز ہوتا ہے: جیب سے پیسے نکال کر اُس کے ہاتھ پر رکھیں گے، ساتھ ہی غُصّے سے کہیں گے: یہ لَو...!! پکڑو! روز ہی آجاتے ہو۔ شرم بھی نہیں آتی۔ بعض لوگ غُصّے والی نگاہوں سے دیکھتے ہیں۔
پیارے مَحْبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی شان دیکھیے! اللہ پاک نے فرما دیا:
وَ اَمَّا السَّآىٕلَ فَلَا تَنْهَرْؕ(۱۰) (پارہ:30، سورۂ وَالضُّحٰی: 10)
تَرجَمۂ کَنزالْعِرفَان: اور کسی بھی صُورت مانگنے والے کو نہ جھڑکو!
اے مَحْبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ ! سائِل کو دینا بھی ہے، ڈانٹنا بھی نہیں ہے۔ کتنی پیاری بات کہی مَوْلانا حَسَن رضا خان صاحِب رَحْمَۃُ اللہِ تَعَالٰی عَلَیْہِ نے، لکھتے ہیں:
آتا ہے فقیروں پہ اُنہیں پیار کچھ ایسا خُود بھیک دیں اور خُود کہیں منگتا کا بَھلا ہو([1])