مانگے سے جو ملے گا اُس کا کوئی اندازہ بھی نہیں لگا سکتا۔

سُبْحٰنَ اللہ ! پیارے اسلامی بھائیو! یہ مَحْبوبِ کریم صَلَّی اللہ  تَعَالٰی عَلَیْہِ وَاٰلِہٖ وَسَلَّمَ   کی شانِ سخاوت ہے، آپ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ   کو اللہ  پاک نے مالِک و مختار بنایا ہے۔ سب خزانوں کی چابیاں آپ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ   کو عطا کردی گئی ہیں اور اِجازت عام بھی ہے کہ مَحْبوب صَلَّی اللہ  تَعَالٰی عَلَیْہِ وَاٰلِہٖ وَسَلَّمَ  ! جہاں آپ کا دِل کرے، اُس خزانے کو دِل کھول کر تقسیم فرماتے رہیں۔ کاش! سخاوتِ مصطفےٰ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ   کا صدقہ ہمیں بھی سخاوت و فیّاضی، اِیثار و قربانی کی دولت نصیب فرمائے۔اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

آقا کی شانِ ختم نبوت

پیارے اسلامی بھائیو! 7 ستمبر بھی آنے والا ہے، اَلحمدُ لِلّٰہ! ہمارے مُلْکِ عزیز پاکستان میں 7 ستمبر کو یومِ تحفّظِ عقیدۂ خَتْمِ نبوت منایا جاتا ہے۔یہ بات ہمیشہ یاد رکھیےکہ عقیدۂ خَتْمِ نبوت ضروریاتِ دِین میں سے ہے یعنی اِسْلام میں جو اہمیت عقیدۂ تَوحِیْد کی ہے، وہی اَہمیت عقیدۂ خَتْمِ نبوت کی بھی ہے، مسلمان ہونے کے لیے جس طرح لَا اِلٰہَ اِلَّا اللہ  کا اِقْرار کرنا ضروری ہے، اسی طرح پیارے نبی، رسولِ ہاشمی  صَلَّی اللہُ تَعَالٰی علیہ وَاٰلِہٖ وَسَلَّم کو آخری نبی ماننا بھی ضروری ہے۔ کلمہ طَیبہ جسے پڑھ کر کافِر مسلمان ہوتا ہے؛ لَا اِلٰہَ اِلَّا للہُ مُحَمَّدُ رَّسُوْلُ اللہ اس کلمے میں جو لفظِ مُحَمَّدہے، اس سے مراد کوئی اَور نہیں بلکہ وہ محبوبِ خُدا  صَلَّی اللہُ تَعَالٰی علیہ وَاٰلِہٖ وَسَلَّم ہیں، جن کے سَر پر رَبِّ کائنات نے خَاتَمُ النَّبِیّٖن کا تاج سجایا ہے، اس لیے جو بندہ کلمۂ طیبہ تَو پڑھے مگر حضرت مُحَمَّد  صَلَّی اللہُ تَعَالٰی علیہ وَاٰلِہٖ وَسَلَّم کو آخری نبی نہ مانے، وہ ہرگز، ہرگز