سعادت حاصل کیجیے، اور ہر سال مزید 12ماہ کیلیے ما ہنامہ فیضانِ مدینہ کی بکنگ کروائیں۔

چار سُو رحمتوں کی ہوائیں چلیں، ہو گئی جس سے ساری فضا دل نشیں

مسکراؤ سبھی آ گئے ہیں نبی، غم کے مارو تمہاری خوشی کے لیے

(8): رسالہ صبحِ بہاراں 12عدد مکتبۃُ المدینہ سے خریدکر تقسیم کیجیے۔ خصوصاً اُن تنظیموں کے سربراہوں تک پہنچائیے، جو ربیعُ الاوَّل میں لائٹنگ کرتے یا محفلِ نعت یا جلوسِ میلاد کی ترکیب فرماتے ہیں۔ ربیعُ الاوَّل شریف کے دوران ( اسلامی بھائی اور اسلامی بہنیں گھر کے کسی فرد کے ذریعے)کسی سُنّی عالم یا امام مسجد، مؤذِّن یا خادِمِ مسجد کی کچھ نہ کچھ مالی خدمت کریں اور زہے نصیب ! ہر ماہ یہ سعادت حاصل فرمائیں۔شادیوں کے مواقِع پرشادی کارڈکے ساتھ مکتبۃُ المدینہ کا دینی رسالہ بھی منسلک (Attach) فرمائیے۔ عید کارڈزکے بجائے دینی کتابیں اور رسالے دینے کا رواج ڈالیے تاکہ جو رقم خرچ ہو، اُس سے دین کا بھی فائدہ ملے۔ شادی غمی کی تقریبات میں اپنے یہاں مکتبۃُ المدینہ سے ترکیب بنا کر بستہ ( Stall) لگوایئے اور مہمانوں میں حسب ِ توفیق اسلامی کتابیں اور رسالے مفت تقسیم کیجیے۔

ولادتِ شہِ دیں ہر خوشی کی باعث ہے                                           ہزار عید سے بھاری ہے بارہویں تاریخ

(9):شہروں،قصبوں، دیہاتوں اور چکوں وغیرہ میں ہرUCنگران 12 دن تک روزانہ جُدا جُدا مساجد میں عظیُم الشَّان سُنّتوں بھرے اجتماعات منعقد کرے۔شخصیات کے گھروں، عاشقانِ رسول کی دکانوں،مار کیٹوں،کارخانوں، تعلیمی اداروں وغیرہ میں بھی یہ اجتماعات کیجیے۔

لب پر نعتِ رسولِ اکرم ہاتھوں میں پرچم                                     دیوانہ سرکار کا کتنا پیارا لگتا ہے

(10):11 رَبیعُ الاوّل کی شام کو ورنہ12ویں شب کو اچھی اچھی نیتیں کر کے غسل کیجیے۔ ہوسکے تو اس عیدوں کی عید کی تعظیم کی نیت سے لباس، عمامہ، سربند، ٹوپی،سر پر اوڑھنا چاہیں