(5):اپنی مسجد،گھر،دُکان،کارخانے وغیرہ پر 12 ورنہ کم ازکم ایک مَدَنی پرچم ربیع الاوَّل شریف کی چاند رات سے لے کر 12ربیع الاوَّل تک لہرائیے۔ بسوں، ویگنوں، ٹرکوں، ٹرالوں، ٹیکسیوں، رکشوں، ریڑھوں، گھوڑا گاڑیوں وغیرہ پرمَدَنی پرچم باندھ دیجیے۔اپنی سائیکل، اسکوٹر اور کارپر بھی لگائیے۔ہر طرف مَدَنی پرچموں کی بہاریں مسکراتی نظر آئیں گی۔عموماً ٹرکوں کے پیچھے جانداروں کی بڑی بڑی تصویریں اورفضول سے اشعار لکھے ہوتے ہیں۔ہو سکے تو اپنی گاڑیوں پر یہ لکھوایئے: مجھے دعوتِ اسلامی سے پیا ر ہے۔

دعائے عطاّرؔ: یاربِّ مصطَفٰے! جو کوئی اپنی اسکوٹروں پر(صرف آگے کی طرف اور) کاروں، ٹیکسیوں،بسوں،ٹرکوں،ٹرالوں،پانی کے ٹینکوں،ویگنوں،رکشوں،سوزوکیوں وغیرہ پر آگے یا پیچھےیادونوں طرف مجھے دعوتِ اسلامی سے پیار ہے لکھے یا لکھوائے یا اس کا اسٹیکر لگائے یا لگوائے۔اُس کی گاڑی کی ایکسیڈنٹ (Accident)سے حفاظت فرما اور اس کو بے حساب بخش دے، جو کسی گاڑی والے کو اس کام کے لیے تیّار کرے اُس کے حق میں بھی یہ دعائیں قبول فرما۔ اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم۔

ضَروری احتِیاط(Precautions): اگرجھنڈے پر نقشِ نَعلِ پاک یا کوئی لکھائی ہو تو اِس بات کا خیال رکھیے کہ نہ وہ لِیرے لِیرے ہو، نہ ہی زمین پر تشریف لائے۔ نیز جُوں ہی ربیعُ الاوّل شریف کا مہینہ تشریف لے جائے فوراً اُتار لیجیے۔ اگراحتِیاط نہیں کر پاتے اور بے ادَبی ہوجاتی ہے تو بِغیر نقش وتحریر کے سادَہ مدنی پرچم لہرائیے۔ (سگ ِمدینہ عُفِیَ عَنْہ بھی حتَّی الامکان اپنے مکانِ بے نشان بنام بیتُ الفنا پر سادہ جھنڈے لگوا تا ہے، صبح بہاراں، صفحہ:27)

نبی کا جھنڈا لے کر نکلو دنیا پر چھا جاؤ                                                                      نبی کا جھنڈا اَمْن کا جھنڈا گھر گھر میں لہراؤ