مِیْلاد (یعنی آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی دُنیا میں تشریف آوری) کا ذِکْر موجود ہے۔

حَسَنؔ وِلادتِ سرکار سے ہوا روشن                                                       مرے خُدا کو بھی پیاری ہے بارہویں تاریخ^([1])

وضاحت:یعنی اے حَسَؔن ! اللہ  پاک کو بارہویں تاریخ سے اتنا زیادہ پیارا ہے کہ مدینے والے مَحْبُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی ولادت کے لیے اِس تاریخ کا انتخاب فرمایا ۔

آئیے! ان 27 مقامات میں سے ایک مقام کی آیتِ کریمہ سُنتے ہیں:

اللہ  پاک کا عظیم اِحْسان

اللہ  پاک قرآنِ کریم میں فرماتا ہے:

لَقَدْ  مَنَّ  اللّٰهُ  عَلَى  الْمُؤْمِنِیْنَ  اِذْ  بَعَثَ  فِیْهِمْ  رَسُوْلًا  (پارہ:4، آلِ عمران:164)

تَرْجمۂ کَنْزُالعِرْفان: بیشک اللہ  نے ایمان والوں پر بڑا احسان فرمایا جب ان میں ایک رسول مَبْعُوث فرمایا۔

بغیر محنت کے اور بِلامعاوضہ، مَحض بطور اِحسان جو انعام کیا جائے، اُسے عربی میں مَنّ کہا جاتا ہے۔^([2]) اللہ  پاک نے فرمایا: ہم نے اِیْمان والوں پر مَنّ فرمایا، یعنی بغیر محنت کے، بلامُعَاوَضَہ، محض بطورِ احسان، اِنہیں یہ نعمت دے دی کہ اپنے مَحْبُوب نبی، رسولِ ہاشمی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو اُن کی ہدایت کے لیے بھیج دیا ہے۔

رَبِّ اعلیٰ کی نعمت پہ اعلیٰ درود                                                               حق تَعَالیٰ کی مِنَّت پہ لاکھوں سلام

ہم غریبوں کے آقا پر بےحد درود                                           ہم  فقیروں  کی  ثَرْوَت  پہ  لاکھوں  سلام^([3])