Khutba Sunnay Ke Aadab

Al Quran Books Madani Channel

Magazine Courses Media

كُلِّ شَيْءٍ اِلَّا مِنْ نَفْسِيْ یعنی یَارسولَ اللہ صلی اللہ عَلَیْہِ وَ آلِہٖ وَسَلَّم ! آپ مجھے میری جان کے عِلاوہ ہر چیز سے زِیادہ مَحْبوب ہیں۔ مَحْبوب صلی اللہ عَلَیْہِ وَ آلِہٖ وَسَلَّم نے فرمایا: لَا وَالَّذِي نَفْسِيْ بِيَدِهِ حَتَّى اَكُوْنَ اَحَبَّ اِلَيْكَ مِنْ نَفْسِكَ نہیں عُمر! اُس رَبّ کریم کی قسم !جس کے قبضہِ قُدْرت میں میری جان ہے! (تمہاری محبّت اُس وقت تک کامل نہیں ہو گی) جب تک مَیْں تمہارے نزدیک تمہاری جان سے بھی زِیادہ مَحْبوب نہ ہوجاؤں۔ فارُوقِ اَعظم رَضِیَ اللہ عنہ نے عرض کی: وَاللہِ لَاَنْتَ اَحَبُّ اِلَيَّ مِنْ نَفْسِيْ یعنی یَارَسُوْلَ اللہ صلی اللہ عَلَیْہِ وَ آلِہٖ وَسَلَّم !اللہ پاک کی قسم! آپ مجھے میری جان سے بھی زِیادہ مَحْبوب ہیں۔ یہ سُن کر نبئ پاک، صاحبِ لَوْلاک صلی اللہ عَلَیْہِ وَ آلِہٖ وَسَلَّم نے اِرشاد فرمایا: اَلْآنَ يَا عُمَرُ یعنی اے عُمر! اب (تمہاری محبّت کامِل ہوگئی)۔^{(^[1])}

تُمہاری یاد کو کیسے نہ زِندگی سمجھوں یہی تو ایک سہارا ہے زِندگی کے لیے

میرے تو آپ ہی سب کچھ ہیں رَحْمتِ عالَم میں جی رہا ہوں زَمانے میں آپ ہی کے لیے

اِس کے بعد خطبہ میں پیاری سی دُعا آتی ہے:

رَزَقَنَا اللهُ تَعَالٰی وَإِيَّاكُمْ حُبَّ حَبِيْبِهِ، هٰذَا النَّبِيِّ الْكَرِيمِ، عَلَيْهِ وَآلِهِ أَكْرَمُ الصَّلَاةِ وَالتَّسْلِيمِ

ترجمہ: اللہ پاک ہمیں اور تمہیں اپنے حبیب، نبی کریم صلی اللہ عَلَیْہِ وَ آلِہٖ وَسَلَّم کی محبّت نصیب فرمائے، اُن پر اور اُن کی آل پر بزرگ ترین درود و سلام ہو۔

نعت پڑھتا رہوں ،نعت سنتا رہوں ، آنکھ پُر نَم رہے، دل مچلتا رہے

اُن کی یادوں میں ہر دم میں کھویا رہوں ، کاش ! سینہ محبّت میں جلتا رہے

[1]...بخاری، کتاب الایمان والنذور، باب کیف کانت یمین النبی صلی اللہُ عَلَیْہِ وَ آلِہٖ وَسَلَّم، صفحہ:1622، حدیث:6632۔

Important

Mobile Apps

Contact Us