لفظ نہ نکالیں، ہماری پُوری کی پُوری گفتگو حیا کے سانچے میں ڈھلی ہونی چاہئے۔ فُحش گو (یعنی بے حیائی بھری باتیں کرنے والا) انسان بے باک(یعنی بے ادب و بے خوف) ہوتاہے اور اِس کی سب سے بڑی محرومی یہ ہے کہ اللہ پاک اوراس کے پیارے رسول  صلّی اللہ ُ عَلَیْہِ وَ آلِہٖ وَسَلَّم  ایسے شخص کو پسند نہیں کرتے اور فحش گو کا ٹھکانا جہنّم ہے۔

اس سلسلے میں 4 فرامینِ مصطفےٰ  صلّی اللہ ُ عَلَیْہِ وَ آلِہٖ وَسَلَّم  سنئے اور عبرت حاصل کیجیے: (1):فحش گوئی(یعنی بے حیائی بھری باتیں) بد اَخلاقی کی ایک شاخ ہے اور بداَخلاقی جہنم میں (لے جانے والی) ہے۔^([1]) (2):بُرے کاموں اور بُری (بے حیائی بھری) باتوں کا اسلام سے کوئی تعلق نہیں۔^([2]) (3):فحش گوئی اور بدزبانی کواللہ پاک پسند نہیں فرماتا۔^([3]) (4):فحش گوئی اگر انسانی شکل میں ہوتی تو بُرے آدمی کی صورت میں ہوتی۔^([4])

کُتّے کی شَکل والا

حضرتِ ابراہیم بن مَیْسَرہ  رحمۃُ اللہِ علیہ فرماتے ہیں، کہا جاتا ہے:فُحش کلامی (یعنی بے حَیائی کی باتیں) کرنے والا قِیامت کے دِن کُتّے کی شَکل میں آئے گا۔^([5])

آئیں نہ مجھ کو وسوسے اور گندے خیالات

اللہ نکل جائے دِل سے ہر اک بری بات

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد