جا رہا ہے) وہ کیسا ہی ہو، فرعون سے بڑھ کر خبیث اور بُرا نہیں ہو سکتا، اللہ پاک نے حضرت موسیٰ اور ہارُون  علیہما السَّلام  کو حکم دیا: ^([1])

فَقُوْلَا لَهٗ قَوْلًا لَّیِّنًا (پارہ:16، طہ:44)

تَرجَمۂ کَنزالْعِرفَان: تو تم اس سے نرم بات کہنا۔

پتا چلا؛ کوئی کیسا ہی گنہگار ہو، کتنا ہی بدکردار ہو، سمجھانا ہے تو نَرْمِی ہی سے سمجھایا جائے گا *سختی کی گئی *کرخت لہجے اپنائے گئے *تیکھے جملے *اور گرم گرم لفظ بولے گئے تو سامنے والے کا سُدھرنا تو مشکل ہے، اُلٹا بگڑ جانے کے چانس(Chance) زیادہ ہیں۔ اس لیے جب بھی بَوْلیں *اچھا ہی بولیں *نرمی سے بات کریں *پیار محبّت سے سمجھائیں *میٹھے میٹھے لفظ بولیں *پیار بھرا، نرم نرم لہجہ اپنائیں، اِنْ شَآءَ اللہُ الْکَرِیْم! پُرکشش شخصیت بن جائیں گے۔

اچھی گفتگو کا ثواب

حضورِ اکرم، نُورِ مُجَسَّم  صلّی اللہ ُ عَلَیْہِ وَ آلِہٖ وَسَلَّم  نے فرمایا: جنت میں ایسے بالا خانے (یعنی اونچے اونچے مکانات) ہیں جن کے باہَری حصے اندر سے اور اندر کے حصے باہَر سے نظر آتے ہیں۔ پوچھا گیا:یارَسُولَ اللہ  صلّی اللہ ُ عَلَیْہِ وَ آلِہٖ وَسَلَّم ! یہ کس کے لیے ہوں گے؟ فرمایا: *جو اچھی گفتگو کرے *کھانا کھلائے *ہمیشہ روزے رکھے اور *رات کو جب لوگ سوئے ہوئے ہوں اس وقت نماز ادا کرے۔^([2])

اچھی بات صدقہ ہے

حضرت اَبُو ہریرہ  رَضِیَ اللہُ عنہ  بیان کرتے ہیں، حضور نبئ اکرم، نُورِ مُجَسَّم  صلّی اللہ ُ عَلَیْہِ وَ آلِہٖ وَسَلَّم