کیا خُوب کہا ہے مولانا حسن رضا خان صاحِب رَحمۃُ اللہ عَلَیْہ نے :

عجب پیاری پیاری ہے صُورت کسی کی                  ہمیں کیا خُدا کو ہے الفت کسی کی

کسی کو کسی سے ہوئی ہے نہ ہو گی                                                       خُدا کو ہے جتنی محبّت کسی کی

رَفَعْنَا لَکَ ذِکْرَک پر تصدق                                                                                             سب اونچوں سے اونچی ہے رِفعت کسی کی

فَتَرْضٰی نے ڈالی ہیں باہیں گلے میں                                                 کہ ہو جائے راضِی طبیعت کسی کی ^{( [1] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

وَالضُّحٰی  اور وَالَّیْل کا معنی

پیارےاسلامی بھائیو ! اللہ پاک نے فرمایا :

وَ الضُّحٰىۙ(۱) وَ الَّیْلِ اِذَا سَجٰىۙ(۲)

ترجَمہ کنز العرفان : چڑھتے دن کے وقت کی قسم اور رات کی جب وہ ڈھانپ دے۔

یہ 2 قسمیں ہیں : ( 1 ) : ایک ضُحٰی کی قسم اور  ( 2 ) : دوسری لَیْل  کی قسم۔ لَیْل کا معنیٰ ہے رات اور ضحیٰ کا مطلب ہوتا ہے : چاشت کا وقت۔ جب سُورج طلوع ہو کر قدرے بلند ہو جاتا ہے ، اس کی روشنی زمین پر پھیل جاتی ہے ، اس وقت کو ضحٰی یعنی چاشت کا وقت کہتے ہیں۔  ^{( [2] )}

نماز چاشت کے فضائل

اس وقت کی بہت فضیلت ہے ، حدیثِ پاک میں ہے : آدمی پر اس کے ہر جوڑ کے بدلے صدقہ ہے  ( اور کل 360 جوڑ ہیں )  * ہر تسبیح صدقہ ہے * ہر حمد صدقہ ہے * لَااِلٰہَ اِلَّا اللہ