کا چہرہ مبارک اتنا نُورانی تھا کہ گویا اس چہرۂ پُرنُور میں سورج چمکتا ہو۔   ^{( [1] )}

اللہ ! اللہ ! اس چہرۂ پُر نُور کی کہاں تک تعریف کی جائے * اللہ پاک نے اس چہرۂ پُر نُور کو بھی معجزہ بنایا تھا * آپ کا چہرۂ اَنْور ہی آپ کی نبوت کی بڑی دلیل تھا۔ حضرت عبد اللہ بن رواحہ رَضِیَ اللہ عنہ  صحابئ رسول ہیں ، اور دربارِ نبوت کے نعت گو شاعِر ہیں ، آپ فرماتے ہیں :

لَو لَمْ یَکُنْ فِیْہِ اٰیَاتٌ مُبَیِّنَۃٌ                                                                                             کَانَتْ بَدَاھَتُہُ  تُنْبِيكَ عَنْ خَبْرِہٖ

یعنی اگر حُضُور پُرنور صَلَّی اللہ علیہِ وَ آلِہٖ وَ سلم کوئی اور معجزہ نہ بھی دکھاتے ، تب بھی آپ کے نبی ہونے پر آپ کا نظارۂ حُسْن ہی بہت بڑی دلیل تھا۔   ^{( [2] )}   

یہ اللہ پاک کے سچّے نبی ہیں

امام اَبُو نُعَیْم رَحمۃُ اللہ عَلَیْہ نے اپنی  کتاب دلَائِلُ النُّبُوَّہ میں روایت ذِکْر کی ،  ہمارے آقا و مولا ، مکی مدنی مصطفےٰ صَلَّی اللہ علیہِ وَ آلِہٖ وَ سلم کے بےمثل و بےمثال بچپن کا زمانہ تھا ، 2 سال کی عمر مبارک تھی ، آپ صَلَّی اللہ علیہِ وَ آلِہٖ وَ سلم حضرت حلیمہ سعدیہ  رَضِیَ اللہ عنہا کے ہاں تشریف فرما تھے ، ایک روز حضرت حلیمہ سعدیہ  رَضِیَ اللہ عنہا آپ صَلَّی اللہ علیہِ وَ آلِہٖ وَ سلم کو ساتھ لئے مکۂ مکرمہ جا رہی تھیں ، راستے میں ایک مقام پر حبشہ کے کچھ لوگ  ملے ، ان کی نگاہ جب رُخِ مصطفےٰ پر پڑی تو بَس دیکھتے ہی رہ گئے۔

اُن کے جلوؤں میں ہیں وہ دلچسپیاں                                     جو وہاں پہنچا وہیں کا ہو گیا ^{( [3] )}

راوی کہتے ہیں : وہ حبشہ کے لوگ ٹکٹکی باندھ کر دیدارِ مصطفےٰ صَلَّی اللہ علیہِ وَ آلِہٖ وَ سلم کی لذّت