اب سے پہلے آپ سے بڑھ کر مجھے کسی سے نفرت نہ تھی ، اب پُورے زمین پر آپ سے بڑھ کر مجھے کوئی محبوب نہیں ہے۔ ^{( [1] )}  

سو بار ترا دیکھ کر عفو اور تَرَحُّم                                                                          ہر باغی و سرکش کا سر آخر کو جُھکا ہے

اعلیٰ حضرت رَحمۃُ اللہ عَلَیْہ لکھتے ہیں :

تم کرم سے مشتری ہر عیب کے                                                                     جنسِ نامقبول ہر بازار ہم

اپنی رحمت کی طرف دیکھیں حُضُور                                                                    جانتے ہیں جیسے ہیں بدکار ہم ^{( [2] )}

وضاحت : مشتری : یعنی خریدار۔ جنسِ نامقبول : یعنی ایسی چیز جسے کوئی نہ خریدے۔ اعلیٰ حضرت رَحمۃُ اللہ عَلَیْہ عرض کر رہے ہیں : یارسولَ اللہ صَلَّی اللہ علیہِ وَ آلِہٖ وَ سلم ! وہ کہ جسے دُنیا میں کوئی مُنہ لگانے کو بھی تیار نہیں ہوتا ، آپ اس پر بھی کرم فرماتے ہیں ، اسے بھی دامنِ کرم میں چھپاتے ، اپنی رحمت سے قبول فرما لیتے ہیں ، اِدھر ہمارا حال یہ ہے کہ ہم گندے بھی ہیں ، نکمے بھی ہیں ، کسی بازار میں ہمارا کوئی خریدار نہیں ہے ، آپ گنہگاروں کو قبول فرمانے والے اور  ہم سب سے بڑے گنہگار... ! !  یارسولَ اللہ صَلَّی اللہ علیہِ وَ آلِہٖ وَ سلم ! اپنی رحمت کی طرف دیکھئے اور ہم گنہگاروں کو دامنِ کرم میں چھپا لیجئے !

صَلُّوْا عَلَی الْحَبِیْبِ !                                                صَلَّی اللہ عَلٰی مُحَمَّد

 ( 3 ) : چہرہ  پُرنُور اور زُلْفِ مقدس

پیارےاسلامی بھائیو ! وَالضُّحٰی  اور وَالَّیْل کا تیسرا معنیٰ بہت ہی خوبصورت اور ایمان افروز ہے ، عُلَمائے کرام فرماتے ہیں : اس مقام پر ضُحیٰ  ( یعنی چاشت کے وقت )  سے پیارے