میں مدہوش رہے ، بالآخر پُکار اُٹھے : ہٰذَاوَاللہ نَبِیٌّ خُدا کی قسم ! یہ اللہ پاک کے نبی ہیں۔ ^{( [1] )}  

سَر سے پا تک ہر ادا ہے لاجواب                                               خوبرُویوں میں نہیں تیرا جواب

حُسْن ہے بےمثل صُورت لاجواب                                    میں فِدا تم آپ ہو اپنا جواب ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

ایمان دِل میں گھر کر گیا

حضرت ابورافع رَضِیَ اللہ عنہ مکہ مکرمہ میں رہتے تھے ، ایک مرتبہ کُفّارِ قریش نے انہیں اپنا قاصِد بنا کر بارگاہِ رسالت میں بھیجا ، فرماتے ہیں : جب میں رسولِ اکرم ، نورِ مُجَسَّم  صَلَّی اللہ علیہِ وَ آلِہٖ وَ سلم کی خِدْمتِ باسَعَادت میں حاضِر ہوا ، بَس رُخِ زیبا پر نظر پڑنے کی دیر تھی کہ اسلام میرے دِل میں اُتر گیا۔  ^{( [3] )}

جس سے تاریک دل جگمگانے لگے                                      اس چمک والی رنگت پہ لاکھوں سلام ^{( [4] )}

حضرت ابو رُمثہ تمیمی  رَضِیَ اللہ عنہ اپنے بیٹے کو ساتھ لے کر حاضِر ہوئے ، لوگوں سے پوچھا : رسولُ اللہ صَلَّی اللہ علیہِ وَ آلِہٖ وَ سلم کہاں تشریف فرما ہیں ؟ جب لوگوں نے بتایا تو فرماتے ہیں : میں نے جیسے ہی آقائے دوجہاں ، سرورِ ذیشاں صَلَّی اللہ علیہِ وَ آلِہٖ وَ سلم کے رُخِ زیبا کو دیکھا تو میرے منہ سے بےساختہ نکلا : ہَذَا نَبِیُّ اللہ یہ تو اللہ پاک کے نبی ہیں۔ ^{( [5] )}   

دیکھنے والے کہا کرتے ہیں : اللہ ! اللہ !                       یاد آتا ہے خُدا دیکھ کے صُورت تیری ^{( [6] )}