قسم ! آپ کے رَبّ نے نہ آپ کو چھوڑا ہے ، نہ وہ ناراض ہوا ہے۔

تُو نائِبِ خُدا ہے ، محبوبِ کبریا ہے                                                      ہے مُلک میں خُدا کے جاری نظام تیرا

چوتھے فلک پہ عیسیٰ اور طُور پر تھے موسیٰ                           کرسی و عرش سے بالا مقام تیرا

تُو پیشوا ہے سب کا ، سب مقتدی ہیں تیرے     اَقْصیٰ میں کیسے بنتا کوئی امام تیرا

دشمن گھٹائیں جتنی عزت بڑھے گی اتنی                                  منظور ہے خُدا کو احترام تیرا

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

 ( 2 ) : عِلْمِ مصطفےٰ اور معاف فرمانے کی عادَت مبارک

بعض مفسرینِ کرام نے فرمایا : وَالضُّحٰی  سے عِلْمِ مصطفےٰ کا نُور اور وَالَّیْل سے آپ کا عفو و درگزر مراد ہے۔  ^{( [1] )}

اب مطلب یہ بنے گا کہ اے محبوب صَلَّی اللہ علیہِ وَ آلِہٖ وَ سلم ! * آپ کا وہ مبارک عِلْم جو آپ کے سینے میں رکھا گیا ہے * قرآنِ کریم کا عِلْم * اللہ پاک کی معرفت کا عِلْم * اللہ پاک کی ذات و صفات کا عِلْم * چھپے ہوئے رازوں کا عِلْم * قیامت تک ہونے والے واقعات کا عِلْم * مَاکَان وَ مَایَکُوْنُ  ( یعنی جو ہو چکا ہے ، جو ہو گا ، اس کا )  عِلْم * وہ مبارک عِلْم جس کے نُور سے دُنیا روشن ہو گئی * وہ مقدّس عِلْم جس نے جہالتوں کا اندھیرا دُور کر دیا  * وہ بےمثال عِلْم جس کی برکت سے جہالت کے اندھیروں میں ڈوبے ہوئے لوگ روشنی پا کر قیامت تک آنے والوں کے امام اور پیشوا بن گئے * اے محبوب صَلَّی اللہ علیہِ وَ آلِہٖ وَ سلم ! آپ کے اُس عِلْم کی روشنی کی قسم ! آپ کے رَبّ نے نہ آپ کو چھوڑا ہے ، نہ آپ سے ناراض ہو اہے۔

اسی طرح جب  رات چھاتی ہے تو ہر چیز کو ڈھانپ دیتی ہے * اے محبوب صَلَّی اللہ علیہِ وَ آلِہٖ وَ سلم !