ہیں ، آپ پڑھتے ہیں :

وَ الضُّحٰىۙ(۱) وَ الَّیْلِ اِذَا سَجٰىۙ(۲)

اللہ ! اللہ ! محبوب صَلَّی اللہ علیہِ وَ آلِہٖ وَ سلم قرآن کی تِلاوت فرما رہے ہیں اور قرآن کیا کہہ رہا ہے : اے محبوب ! آپ کے رُخِ روشن کی قسم ! آپ کی مبارک زُلفوں کی قسم !

یہ صرف ایک تصور کی بات ہےجو اعلیٰ حضرت رَحمۃُ اللہ عَلَیْہ فرما رہے ہیں : کہ جس طرح ہمارے پیارے نبی ، رسولِ ہاشمی صَلَّی اللہ علیہِ وَ آلِہٖ وَ سلم صبح و شام ، دِن رات قرآن کی تِلاوت فرمایا کرتے ہیں ، ایسے ہی آپ صَلَّی اللہ علیہِ وَ آلِہٖ وَ سلم کے مبارک رخسار کا ذِکْر کرنا قرآن کا وظیفہ ہے۔

پیارےاسلامی بھائیو ! ویسے تو ہمارے پیارے نبی ، رسولِ ہاشمی صَلَّی اللہ علیہِ وَ آلِہٖ وَ سلم سراپا معجزہ ہیں ،  البتہ یہاں چونکہ رُخِ اَنْور اور مبارک زلفوں کا ذِکْر ہوا ، آئیے ! چہرۂ مصطفےٰ صَلَّی اللہ علیہِ وَ آلِہٖ وَ سلم کا کچھ تذکرہ سُنتے ہیں ، زُلْفِ مصطفےٰ کا ذِکْرِ خیر اِنْ شَآءَ اللہ الْکَرِیْم ! آئندہ جمعہ کو سننے کی سعادت حاصِل کریں گے۔

رُخِ پُرنُور کیسا تھا... ؟

پیارے آقا ، نُور والے مصطفےٰ صَلَّی اللہ علیہِ وَ آلِہٖ وَ سلم کا چہرہ مبارک بہت ہی پیارا اور خوبصُورت تھا * آپ کی پیشانی مبارک کُشادہ ، چمکدار اور روشن تھی * آپ صَلَّی اللہ علیہِ وَ آلِہٖ وَ سلم کے اَبْرُو مبارک کمان کی طرح خم دار ، لمبے اور باریک تھے * دونوں اَبْرُو مبارک کے درمیان ایک رَگ تھی ، جو جلال کے وقت اُبھر آتی تھی ^{( [1] )}  * مبارک آنکھیں نہایت کالی تھیں ، سفیدی والا حِصّہ بہت سفید تھا * جہاں پلکیں آپس میں ملتی ہیں ، وہاں سرخ رنگ