آپ کی وہ معاف کردینے کی عادَت جو مجرموں کے جرم دھو ڈالتی ہے * آپ کی وہ ادائے رحمت کہ سر سے پاؤں تک گُنَاہوں کی سیاہی میں ڈُوبے آتے ہیں ، آپ انہیں اپنے دامنِ رحمت میں لے کر اُن کے سارے گُنَاہوں کو چھپا لیتے ہیں * اے پیارے محبوب صَلَّی اللہ علیہِ وَ آلِہٖ وَ سلم ! آپ کو میرے بندوں سے جو یہ محبّت ہے * آپ جو ان سے رحمت بھرا سلوک فرماتے ہیں * آپ کی اس شانِ رحمت و کرم کی قسم ! آپ کے رَبّ نے نہ آپ کو چھوڑا ہے ، نہ ہی آپ سے ناراض ہوا ہے۔

اللہ اکبر ! اے عاشقان ِ رسول ! یہاں سے غور فرمائیے ! ہمارے آقا ومولیٰ ، مکی مدنی مصطفےٰ صَلَّی اللہ علیہِ وَ آلِہٖ وَ سلم کے عفو و کرم کی کیسی نرالی شان ہے کہ اُن کا رَبِّ کریم اُن کی اس ادائے رحمت و شفقت کی قسم ارشاد فرماتا ہے۔

وسعتیں دِی ہیں خُدا نے دامنِ محبوب کو                                           جرم کھلتے جائیں گے اور وہ چھپاتے جائیں گے ^{( [1] )}

اعلیٰ حضرت کے بھائی جان مولانا حسن رضا خان صاحِب رَحمۃُ اللہ عَلَیْہ لکھتے ہیں :

میں ہوں ، میں ہوں اپنی اُمّت  کے لئے                کیا ہی پیارا پیارا یہ ارشاد ہے

وہ شفاعت کو چلے ہیں پیشِ حق                                                            عاصیو ! تم کو مبارکباد ہے

جس کو اس در کی غلامی مل گئی                                                                         وہ غمِ کونین سے آزاد ہے

کون سے دِل میں نہیں یادِ حبیب                                                        قلبِ مؤمن مصطفےٰ آباد ہے ^{( [2] )}

عفو و کرم کی چند مثالیں

پیارےاسلامی بھائیو ! میرے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم کی مُعَاف