پر مشتمل سُورت ہے ، اللہ پاک نے اس سُورت میں بھی یہ تاثِیر رکھی ہے کہ یہ بچھڑوں کو مِلا دیتی ہے۔ جی ہاں ! امام محمد بن محمد غزالی رَحمۃُ اللہ عَلَیْہ لکھتے ہیں : اگر کوئی چیز گم ہو جائے یا کوئی چیز ضائع ہو جائے تو بندہ سورۂ  وَالضُّحٰی  پڑھے ، اس کی کھوئی ہوئی چیز مل جائے گی۔

ایک مرتبہ اَمِیْرُ الْمَؤمِنِیْن حضرت عمر بن عبد العزیز رَحمۃُ اللہ عَلَیْہ کا ایک غُلام کہیں بھاگ گیا اورواپس پلٹ کر نہ آیا ، آپ نے اپنے کسی گورنر کو خط لکھا اورفرمایا : میرا غُلام یہاں سے بھاگ کر تمہارے علاقے کی طرف آیا ہے ، اسے جلدی سے تلاش کرو !

چونکہ اَمِیْرُ الْمَؤمِنِیْن کا حکم تھا ، چنانچہ وہ گورنر بہت پریشان ہوا ، اس نے غلام کوبہت تلاش کیامگر مِل نہ سکا ، اس پریشانی کے عالَم میں کسی نے مشورہ دیا کہ تم سورۂ  وَالضُّحٰی  اور سورۂ  اَلَمْ نَشْرَحْ کا وظیفہ کرو ! بھاگا ہوا غُلام خُود ہی آجائے گا ، چنانچہ اس نے سورۂ  وَالضُّحٰی  اور سورۂ  اَلَمْ نَشْرَحْ کی تِلاوت کی تو اسی وقت وہ بھاگا ہوا غُلام اسے مل گیا۔ ^{( [1] )}  

سُبْحٰنَ اللہ ! معلوم ہوا؛ یہ مبارک سُورت بچھڑوں کو مِلانے والی ہے۔ اس لئے جب کوئی چیز گم ہو جائے ، اپناکوئی عزیز کہیں چلا جائے ، گم ہو جائے ، مل نہ رہا ہو تو سورۂ  وَالضُّحٰی  کی تِلاوت کیجئے ! اِنْ شَآءَ اللہ الْکَرِیْم ! بچھڑا ہوا مل جائے گا۔  

غفلت سے بچنے کا ایک وظیفہ

اللہ پاک ہمیں اس مبارک سُورت کی بلکہ پُورے قرآنِ کریم کی کثرت کے ساتھ تِلاوت کرنے کی توفیق نصیب فرمائے۔ حدیثِ پاک میں ہے ، رسولِ ذیشان ، مکی مدنی سلطان صَلَّی اللہ علیہِ وَ آلِہٖ وَ سلم نے فرمایا : جو بندہ رات کے وقت 10 قرآنی آیات کی تِلاوت کر